Seeds : ఈ విత్తనాలతో... ఆందోళన.. ఒత్తిడి చిత్తు
ABN , First Publish Date - 2023-02-19T02:54:04+05:30 IST
పొద్దు తిరుగుడు విత్తనాలు తినటం వల్ల ఆరోగ్యకరమైన ఉపయోగాలున్నాయి. నూనె కోసం, మెడిసిన్‌లో ఈ విత్తనాలను ఉపయోగిస్తారు. ముఖ్యంగా వీటిలో చక్కెర శాతం జీరో కావటం విశేషం.
పొద్దు తిరుగుడు విత్తనాలు తినటం వల్ల ఆరోగ్యకరమైన ఉపయోగాలున్నాయి. నూనె కోసం, మెడిసిన్‌లో ఈ విత్తనాలను ఉపయోగిస్తారు. ముఖ్యంగా వీటిలో చక్కెర శాతం జీరో కావటం విశేషం.
విటమిన్‌ బి6, మాంగనీసు, పాస్ఫరస్‌, జింక్‌, సెలీనియమ్‌ ఉండటం వల్ల శరీరంలోని ఇన్ఫెక్షన్లతో పోరాడతాయివి. అలర్జీలను తగ్గిస్తాయి. ముఖ్యంగా ఇమ్యూనిటీని పెంచుతాయి ఈ విత్తనాలు.
వీటిలో సోడియం, మెగ్నీషియమ్‌, పొటాషియం ఉండటం వల్ల బ్లడ్‌ ప్రెషర్‌ను నియంత్రిస్తుంది. కొలెస్ర్టాల్‌ను తగ్గిస్తాయి. తద్వారా గుండె సమస్యలు వచ్చే అవకాశం తక్కువ.
ఒక ఔన్సు పొద్దు తిరుగుడు విత్తనాల్లో 164 కేలరీలుంటాయి. ప్రొటీన్లు అధికంగా ఉండటం వల్ల ఇవి ఎనర్జీకి పవర్‌హౌస్‌గా ఉపయోగపడతాయి.
వీటిలోని పవర్‌ఫుల్‌ యాంటీ ఆక్సిడెంట్స్‌ ఎంజైమ్స్‌ వల్ల క్యాన్సర్‌ కణుతులు రాకుండా చేస్తాయి.
జింక్‌, కాపర్‌, మాంగనీసు ఉండటం వల్ల ఇవి తింటే ఎముకలకు మంచిది. కండరాలు వృద్ధి చెందుతాయి.
మెంటల్‌ హెల్త్‌కు మంచిది. మూడ్‌ స్వింగ్‌ను నియంత్రించడం, జ్ఞాపకశక్తి పెరుగుదలతో పాటు ఆందోళన, ఒత్తిడి తగ్గిపోతాయి.
వీటిలో ఫైబర్‌ కంటెంట్‌ ఎక్కువ ఉండటం వల్ల సులువుగా జీర్ణమవుతుంది.
జుట్టు పెరగాలన్నా, చర్మంలో మృదుత్వం రావాలన్నా పొద్దు తిరుగుడు విత్తనాలను ఆశ్రయించాల్సిందే. జుట్టు రాలకుండా చేస్తాయి.
అలాగని అధికంగా ఈ విత్తనాలను తినటం కూడా మంచిది కాదు. దీనివల్ల కిడ్నీ సమస్యలు వచ్చే అవకాశం ఉంటుంది. ముఖ్యంగా గర్భిణులు ఈ ఆహారానికి దూరంగా ఉండాలి.
