తెల్లగా ఉండే మల్లెపూలంటే ఇష్టపడనివారుంటారా? ఇక మత్తెక్కించే మల్లెపూల వాసన, ఆ అందం ఇలా ఎంత చెప్పిన మల్లెల అందం వెన్నకన్నా, వెన్నెలకన్నా తీయనిది. సరే ఇప్పుడు మల్లెలమాటెందుకంటే.. ఈ పూలు చూసారా అచ్చం మల్లెల్లానే ఉన్నాయ్ కదా.. ఇవి అడవుల్లో కనిపిస్తూ ఉంటాయి. అంటే మన దగ్గర్లో కాకపోయినా ఎప్పుడన్నా వర్జీనియా వైపుగా వెళితే కనక కాస్త జాగ్రత్తగా ఉండండే.. మల్లెపూలలాగే ఉన్నాయ్ కదాని ముట్టుకునేరు. గులాబీలకన్నా ఒళ్ళంతా ముళ్ళతో ఉంటాయి. పైగా ఆముళ్ళు విషంతో నిండి ఉంటాయట.. తాకారో అంతే ఇక.

అడవి దారుల్లో మృదువుగా నడపండి, క్నిడోస్కోలస్ స్టిమ్యులోసస్, అందంగా తెల్లటి పువ్వులు కనిపిస్తే అచ్చం మల్లెపూలలా ఉన్నాయ్ కదాని కోసేరు. అలా మొక్కను తాకారో ఇక అంతే సంగతులు.. దాని మృదువైన చిన్న ముళ్ళు చేతుల్లో దిగి గోల పెడతారు. ఆ.. చెట్టుకి ముళ్ళుంటే ఏముందిలే అనుకోకండి.. పాయిజన్ పాచ్ తో ఉన్న ఈ మొక్క వెంటనే శరీరంలో మంట, దద్దుర్లు ఉంటాయి.

ఇది కూడా చదవండి: చెమట వాసన మరీ తీవ్రంగా ఉందా.. ఇలా చేసి చూడండి..!

ఈ మొక్క సన్‌షైన్ స్టేట్‌లో ఎక్కువ భాగం ఫ్లోరిడాకు చెందినది. చాలా చోట్ల కనిపించే విస్తృతమైన మొక్క, ఇది ఉత్తరాన వర్జీనియా నుంచి, పశ్చిమాన ఓక్లహోమా, టెక్సాస్ వరకు పెరుగుతుంది. ఇది పొదలు, పైన్‌ల్యాండ్‌లు, అలాగే రోడ్‌సైడ్‌లు, ఇతర పొడి, ఇసుక ప్రదేశాలలో పెరుగుతుంది.

మొక్క మూడు అడుగుల పొడవు పెరుగుతుంది కానీ మృదువైన, ముళ్ళ కాండం కలిగి ఉంటుంది. ఆకులు సరళంగా, లోతుగా లాబ్డ్‌గా ఉంటాయి. అస్పష్టంగా ఓక్ ఆకుని పోలి ఉంటుంది. ఆకులపై తెల్లటి సిరలు, మచ్చలు కూడా ఉంటాయి, ఈ ముళ్ళ వెంట్రుకలను మొక్కలో పువ్వు భాగంలో మాత్రమే ఉండవు. ఇది సౌత్ ఫ్లోరిడాలో ఏడాది పొడవునా వికసించే శాశ్వత మొక్క, ఇది శరదృతువు వరకు పుష్పిస్తుంది. ఈ పువ్వులు తెలుపు, ట్రంపెట్ ఆకారంలో, ఒక అంగుళం కంటే తక్కువగా ఉంటాయి.

ఫ్లోరిడా విశ్వవిద్యాలయం ప్రకారం, ఈ మొక్కను తాకినప్పుడు చిన్న నూగులాంటి ముళ్ళు చేతి వేళ్ళలో విరిగిపోతాయి, తద్వారా విషాన్ని చర్మంలోకి ఇంజెక్ట్ చేస్తుంది. దద్దుర్లు, మంట ఉన్న చర్మాన్ని అరటి పండుతో రుద్దడం వల్ల కాస్త ఉపశమనం ఉంటుంది. అయితే ఈ అసౌకర్యం ఒక గంట లేదా అంతకంటే తక్కువ సమయంలో తగ్గిపోతుంది, కానీ ఈ ఎర్రటి దద్దుర్లు మాత్రం కొంతమందికి చాలా రోజులు ఉండవచ్చు.