Gaddar Funeral : ముగిసిన గద్దర్‌‌ అంత్యక్రియలు

హైదరాబాద్ : ప్రజా యుద్ధనౌక, విప్లవ వాగ్గేయకారుడు గద్దర్‌‌ అంత్యక్రియలు(Gaddar Funeral) బౌద్ధ మత పద్ధతి(Buddhist Religion)లో జరిగాయి. ప్రభుత్వ లాంఛనాలతో అంత్యక్రియలు ముగిశాయి. గద్దర్ ఆఖరి కోరిక మేరకు అల్వాల్‌‌లోని మహాబోధి స్కూల్ గ్రౌండ్‌(Alwal Mahabodhi School)లో అంత్యక్రియలు జరిపారు కుటుంబ సభ్యులు. అంతకు ముందు గద్దర్ ఇంటికి వెళ్లిన రాష్ట్ర ముఖ్యమంత్రి కేసీఆర్.. యుద్ధనౌక భౌతికకాయానికి నివాళులు అర్పించారు.

గతకొంతకాలంగా అనారోగ్యంతో బాధపడుతున్న ఆయన అపోలో ఆస్పత్రిలో చికిత్స పొందుతూ ఆదివారం మధ్యాహ్నం తుదిశ్వాస విడిచారు. గద్దర్ అంత్యక్రియలకు అభిమానులు, కవులు, కళకారులు భారీగా తరలివచ్చి నివాళి అర్పిచారు. అయితే స్కూల్‌లోకి ఎక్కువ మంది వెళ్లడానికి అవకాశం రాలేదు. స్థలం సరిపోదని పోలీసులు చెప్పినా వినకుండా రావడంతో వారిని అదుపు చేసేందుకు పోలీసులు లాఠీఛార్జ్ చేయాల్సి వచ్చింది. పోలీసుల తీరుపై గద్దర్ అభిమానులు ఆగ్రహం వ్యక్తం చేశారు.