Bonus Share: ఇన్వెస్టర్లకు గుడ్ న్యూస్.. 2 షేర్లకు ఒకటి ఉచితం.. ప్రకటించిన ప్రభుత్వ సంస్థ
ABN , Publish Date - Sep 01 , 2024 | 04:23 PM
ఓ ప్రభుత్వ సంస్థ 2 స్టాక్‌లపై 1 ఉచిత స్టాక్ అందించనున్నట్లు ప్రకటించింది. అంతేకాదు ఈ స్టాక్ 365 రోజుల్లోనే 253% బంపర్ రాబడిని అందించడం విశేషం. ఆ వివరాలేంటో ఇక్కడ తెలుసుకుందాం.
ప్రభుత్వ సంస్థ NBCC (ఇండియా) లిమిటెడ్ బోర్డు 1:2 నిష్పత్తిలో అర్హులైన షేర్‌హోల్డర్‌లకు బోనస్ షేర్లను(Bonus Shares) జారీ చేయడానికి ఆమోదించింది. దీని కింద కంపెనీ ప్రతి 2వ షేరుపై ఒక బోనస్ షేరును అందిస్తుంది. ఇందుకోసం రూ.90 కోట్ల విలువైన స్టోర్‌ను కంపెనీ వినియోగించుకోనుంది. బోనస్ షేర్ల జారీకి, రికార్డు తేదీని నిర్ణయించేందుకు బోర్డు ఆమోదం తెలిపిందని ఎన్‌బీసీసీ స్టాక్ ఎక్స్ఛేంజీకి తెలిపింది. 1:2 నిష్పత్తిలో కంపెనీ షేర్‌హోల్డర్‌లకు బోనస్ షేర్లను జారీ చేయాలని డైరెక్టర్ల బోర్డు సిఫార్సు చేసింది. అంటే రికార్డ్ తేదీ నాటికి అర్హత కలిగిన సభ్యులు కలిగి ఉన్న ప్రతి రెండు షేర్లకు ఒక కొత్త పూర్తిగా పెయిడ్ అప్ ఈక్విటీ షేర్ పొందనున్నారు.
253% రాబడి
గత ఒక సంవత్సరంలో NBCC షేర్లు పెట్టుబడిదారులకు 253% బంపర్ రాబడిని ఇచ్చాయి. ఈ నేపథ్యంలో ఏడాదిలోనే షేరు ధర రూ.52 నుంచి రూ.186కి పెరగడం విశేషం. ఈ క్రమంలో 90 కోట్ల షేర్లను బోనస్ షేర్లుగా జారీ చేయాలని కంపెనీ ప్రతిపాదించింది. ఇందుకోసం వచ్చే వార్షిక సర్వసభ్య సమావేశంలో వాటాదారుల ఆమోదం తీసుకోవాల్సి ఉంటుంది. బోర్డు అక్టోబర్ 7, 2024ని రికార్డ్ డేట్‌గా నిర్ణయించింది. ఇక ఎన్‌బీసీసీ షేర్ల గురించి మాట్లాడితే శుక్రవారం 4.29% తగ్గి రూ.186.35కి చేరుకున్నాయి. ఆగస్టు 28, 2024న షేర్ ధర రూ. 209.75 స్థాయికి చేరుకుంది. ఇది ఈ స్టాక్‌లో 52 వారాల గరిష్ట ధర కావడం విశేషం. అంతకుముందు 2023లో ఈ షేరు రూ.51.10 స్థాయికి చేరింది. ఇది ఈ స్టాక్‌లో 52 వారాల కనిష్ట స్థాయి.
రికార్డ్ డేట్‌ ఫిక్స్
బోనస్ షేర్లను స్వీకరించడానికి సభ్యుల అర్హతను నిర్ణయించడానికి బోర్డు సోమవారం అక్టోబర్ 7, 2024ని రికార్డ్ డేట్‌గా నిర్ణయించింది. కంపెనీ మొత్తం 90 కోట్ల ఈక్విటీ షేర్లను జారీ చేయాలని యోచిస్తోంది. వీటిలో ప్రతి దాని ముఖ విలువ రూ. 1 ఉంటుంది. మార్చి 31, 2024 ఆడిట్ చేయబడిన ఆర్థిక నివేదికల ప్రకారం లాభాల నుంచి సృష్టించబడిన ఉచిత నిల్వల నుంచి బోనస్ షేర్లు జారీ చేయబడతాయి. ఈ బోనస్ ఇష్యూకు అవసరమైన ఉచిత రిజర్వ్ మొత్తం రూ. 90 కోట్లు అని, ఇందులో కంపెనీ నిల్వలు, మిగులులో రూ.1,959 కోట్లు బ్యాలెన్స్ కలిగి ఉందని కంపెనీ వెల్లడించింది.
డివిడెండ్ కూడా
అంతకుముందు ఎన్‌బీసీసీ 2023-24 ఆర్థిక సంవత్సరానికి రూ. 1 ఈక్విటీ షేరుకు రూ. 0.63 తుది డివిడెండ్ ప్రకటించింది. దీని రికార్డు తేదీని సెప్టెంబర్ 6, 2024గా నిర్ణయించారు. NBCC తన వరల్డ్ ట్రేడ్ సెంటర్ (WTC) డౌన్‌టౌన్ న్యూ ఢిల్లీలోని నౌరోజీ నగర్, సరోజినీ నగర్‌లో దాదాపు రూ. 14,800 కోట్ల విలువైన 100 శాతం ఆఫీసు, రిటైల్ ఇన్వెంటరీని విక్రయించింది. ఇటీవల ఆగస్టు 14న NBCC అనుబంధ సంస్థ HSCC (ఇండియా) హర్యానాలోని డైరెక్టరేట్ ఆఫ్ మెడికల్ ఎడ్యుకేషన్ అండ్ రీసెర్చ్ నుంచి రూ. 528.21 కోట్ల విలువైన ఆర్డర్‌ను అందుకుంది.
ఇవి కూడా చదవండి:
Next Week IPOs: వచ్చే వారం రానున్న ఐపీఓలివే.. షేర్ మార్కెట్‌లో మనీ సంపాదించే ఛాన్స్
ITR Refund: ఐటీఆర్ రీఫండ్ ఇంకా వాపసు రాలేదా.. అయితే ఇలా చేయండి
Telegram: మరికొన్ని రోజుల్లో టెలిగ్రామ్ యాప్ బ్యాన్?.. కారణాలివేనా..
Google Pay: గూగుల్ పే నుంచి కొత్తగా ఆరు ఫీచర్లు.. అవేంటంటే..
Read More Business News and Latest Telugu News
