Viral Video: పిల్లల కోసం సింహంతో ఫైట్‌కు దిగిన చిరుత.. ఒళ్లు గగుర్పొడిచే వీడియో..
ABN , Publish Date - Nov 14 , 2024 | 06:23 PM
ఆఫ్రికన్ సాహస యాత్రలో భాగంగా కరోల్, బాబ్ అనే దంపతులు టాంజానియా దేశం సెరెంగేటి నేషనల్ పార్క్‌కు వెళ్లారు. రేంజర్ గాడ్‌ లివింగ్ షూతో కలిసి వారిద్దరూ ఉదయం వేళ సఫారీ రైడ్‌ ప్రారంభించారు.
ఇంటర్నెట్ డెస్క్: తల్లిని మించిన యోధురాలు మరెవరూ ఉండరనేది ఓ సినిమా డెలాగ్. కానీ నిజంగానే తల్లి ప్రేమను మించింది ఏదీ ఉండదు. తన పిల్లలను కాపాడుకునేందుకు మాతృమూర్తి ఎంతకైనా తెగిస్తుంది. చివరికి తన ప్రాణాలను సైతం లెక్కచేయకుండా బరిలోకి దిగుతుంది. ఎదురుగా కనిపించే వాళ్లు ఎంతంటి వారైనా సరే ఆలోచించకుండానే మరుక్షణం యుద్ధానికి సిద్ధమవుతుంది. అలాంటి మాతృ ప్రేమ మనుషులు, జంతువుల విషయంలోనూ ఒకేలా ఉంటుంది. అలాంటి ప్రేమను కళ్లకు కట్టే వీడియో ఒకటి సోషల్ మీడియాలో తెగ వైరల్‌గా మారింది. ఓ చిరుతపులి తన పిల్లలను కాపాడుకునేందుకు ప్రాణాలను పణంగా పెట్టడంపై సర్వత్రా ప్రశంసలు కురుస్తున్నాయి. తల్లిప్రేమ అంటే ఇదే కదా అంటూ చిరుతను తెగ పొగిడేస్తున్నారు.
ఆఫ్రికన్ సాహస యాత్రలో భాగంగా కరోల్, బాబ్ అనే దంపతులు టాంజానియా దేశం సెరెంగేటి నేషనల్ పార్క్‌కు వెళ్లారు. రేంజర్ గాడ్‌ లివింగ్ షూతో కలిసి వారిద్దరూ ఉదయం వేళ సఫారీ రైడ్‌ ప్రారంభించారు. దంపతులిద్దరినీ రేంజర్ గాడ్‌ లివింగ్ షూ.. చిరుతపులులు, సింహాలు ఉండే ప్రాంతానికి కారులో తీసుకెళ్లాడు. అయితే అక్కడే వారికి అనుకోని ఓ సంఘటన ఎదురైంది. దీంతో వారంతా నిశ్చేష్టులయ్యారు. సఫారీ రైడ్‌కు వెళ్లిన వారికి చిరుతపులి కనిపించింది. అది ఓ గుహ బయట నిలుచుని ఉంది. గుహ లోపల రెండు చిరుతపిల్లలని కరోల్, బాబ్ దంపతులు గుర్తించారు. మరోవైపు దూరంగా ఓ సింహం ఉండడాన్ని సైతం వీరు గమనించారు. వాటిని వీడియో తీయడం ప్రారంభించారు.
అయితే దూరంగా ఉన్న సింహం ఒక్కసారిగా చిరుతపులి, దాని పిల్లల వైపు దూసుకొచ్చింది. అప్పుడే వీరికి అర్థమయ్యింది. సింహం నుంచి తన పిల్లలను రక్షించేందుకు గుహ బయట చిరుత కాపలా కాస్తోందని. ఇంతలో దూసుకొచ్చిన సింహం పైకి బండరాయిపై ఉన్న చిరుత ఒక్కసారిగా దూకింది. సింహం చేతిలో ప్రాణాలు పోతాయని తెలిసినా అది ఏమాత్రం వెనకడుగు వేయకుండా యుద్ధానికి దిగింది. దీంతో రెండింటి మధ్య భీకర యుద్ధం జరిగింది. చిరుతపై సింహం దాడి చేస్తున్నప్పటికీ అది తిరగబడుతూనే ఉంది. కాసేపటి తర్వాత చిరుత తెలివిగా అక్కడ్నుంచి పరిగెత్తింది. దీంతో సింహం కూడా దాని వెంట పరిగెత్తింది.
సింహాన్ని దారి మళ్లించి వచ్చిన చిరుత తన పిల్లలను దాని నుంచి కాపాడుకునేందుకు రెండుసార్లు సురక్షిత ప్రాంతాలకు తరలించిందని కరోల్, బాబ్ దంపతులు తెలిపారు. చిరుతకు సింహం దాడిలో స్వల్పగాయాలు అయ్యాయని, సురక్షిత ప్రాంతాలకు పిల్లలను మార్చడంతో అది బాగా నీరసించి పోయిందని చెప్పారు. మరోవైపు దాడిలో సింహం కాలికీ బలమైన గాయమైనట్లు గుర్తించామని దంపతులిద్దరూ వెల్లడించారు. నిజంగా తల్లి ప్రేమ అంటే ఎలా ఉంటుందో మరోసారి ఆ చిరుత రుజువు చేసిందని వారు కొనియాడారు. ఆ వీడియో కాస్త సోషల్ మీడియాలో పోస్టు చేయగా చిరుతను ప్రశంసిస్తూ నెటిజన్లు పలు కామెంట్లు చేస్తున్నారు.
ఇవి కూడా చదవండి:
Car Accident: సెల్ ఫోన్ చూస్తూ రోడ్డు దాటే అలవాటు ఉందా.. అయితే ఈ వీడియో ఒక్కసారి చూడండి..
Viral Video: బ్యాగు లాక్కెళ్తూ యువతి మనసు దోచుకున్న దొంగ.. చివరకు రోడ్డు పైనే..
Viral Video: ఆటోను చూసి అవాక్కవుతున్న జనం.. ఇతడు చేసిన ప్రయోగమేంటో మీరే చూడండి..
