తన్మయ్‌ చేజారిన శతకం

ఆంధ్ర-హైదరాబాద్‌ రంజీ డ్రా

హైదరాబాద్‌: ఓపెనర్‌ తన్మయ్‌ అగర్వాల్‌ (95) త్రుటి లో శతకం కోల్పోయాడు. ఆంధ్రతో ముగిసిన ఈ ఎలీట్‌ గ్రూప్‌ ‘బి’ రంజీ మ్యాచ్‌ను హైదరాబాద్‌ డ్రా చేసుకుంది. అయితే మొదటి ఇన్నింగ్స్‌ ఆధిక్యంతో ఆంధ్ర జట్టుకు మూడు పాయింట్లు లభించగా..హైదరాబాద్‌ ఒక పాయింటుతో సరిపెట్టుకుంది. తన్మయ్‌తోపాటు మరో ఓపెనర్‌ అభిరత్‌ రెడ్డి (70 నాటౌట్‌) అర్ధ శతకంతో సత్తా చాటడంతో హైదరాబాద్‌ రెండో ఇన్నింగ్స్‌లో నాలుగో రోజు ఆట ఆఖరికి వికెట్‌ నష్టానికి 193 పరుగులు చేసింది. వీరిద్దరూ తొలి వికెట్‌కు 148 పరుగులు జోడించారు. తన్మయ్‌ను రఫి అవుట్‌ చేశాడు. అంతకుముందు ఓవర్‌నైట్‌ 448/9తో శనివారం, తొలి ఇన్నింగ్స్‌ కొనసాగించిన ఆంధ్ర అదే స్కోరు వద్ద ఆలౌటైంది. ఇక మొదటి ఇన్నింగ్స్‌లో హైదరాబాద్‌ 301 పరుగులు సాధించింది.