ఇంటర్నెట్ డెస్క్: యూజర్ల కోసం ఎప్పటికప్పుడు కొత్త ఫీచర్లను తీసుకువస్తున్న వాట్సాప్ తాజాగా మరో రెండు ఫీచర్లను అందుబాటులోకి తీసుకురావాలని నిర్ణయించింది. వాట్సాప్ ఈ రెండు కొత్త ఫీచర్‌లపై పని చేస్తోంది. అందులో ఒకటి ప్రైవసీ ఫీచర్. ఇది వాట్సాప్ యూజర్ల చాట్‌లలో ఏదైనా లింక్ వస్తే.. దాని భద్రతస్థాయిని ఈ ఫీచర్ నిర్ధారిస్తుంది. మరో ఫీచర్.. new video viewing feature.

ఆండ్రాయిడ్ నివేదిక ప్రకారం.. WhatsApp కొన్ని బీటా టెస్టర్‌లకు లింక్ ప్రైవసీ ఫీచర్‌ను రిలీజ్ చేసింది. అండర్ టెస్టింగ్ ఫీచర్ వినియోగదారులను లింక్ ప్రివ్యూలను ఆఫ్ చేయడానికి ఎంచుకోవడానికి అనుమతిస్తుంది. లింక్‌తో పాటు కథనానికి సంబంధించిన థంబ్‌నెయిల్ లేదా మరే ఇతర డేటా ఉండదని దీని అర్థం. ఈ కొత్త ఫీచర్ WhatsApp చాట్‌లను సులభంగా నావిగేట్ చేయడానికి, అలాగే డేటా లీక్‌లను తగ్గించడానికి ఉపయోగపడుతుంది. యాప్ సెట్టింగ్‌ల మెనులో Privacy > Advanced క్లిక్ చేశాక డిసేబుల్ లింక్ ప్రివ్యూల ఎంపికను ట్యాప్ చేయడం ద్వారా WhatsApp బీటా టెస్టర్‌లు ఈ ఫీచర్‌ను యాక్సెస్ చేయవచ్చు.

WABetaInfo నివేదిక ప్రకారం.. WhatsApp న్యూ వీడియో వీక్షణ ఫీచర్‌ను అభివృద్ధి చేస్తోంది. ఇది యాప్‌లోని పిక్చర్-ఇన్-పిక్చర్ విభాగంలో.. చాట్‌లో ఎవరైనా వీడియోలు పంపితే.. అది పిక్చర్ ఇన్ పిక్చర్ విధానంలో వచ్చేలా వినియోగదారులను అనుమతిస్తుంది. వాట్సాప్‌లో షేర్ చేసిన యూట్యూబ్, ఇన్‌స్టాగ్రామ్ వీడియోలను చూసేటప్పుడు ఇప్పటికే అందుబాటులో ఉన్న పిక్చర్-ఇన్-పిక్చర్ ఫీచర్‌ను పోలి ఉంటుంది.

Meta: వాట్సప్ సంచలనం.. ఏకంగా 76 లక్షల అకౌంట్ల తొలగింపు.. ఎందుకంటే

ఇది వినియోగదారులు వారి స్నేహితులు పంపిన వీడియోలను పిక్చర్-ఇన్-పిక్చర్ మోడ్‌లో వీక్షించడానికి అనుమతిస్తుంది. అంటే మీరు వీడియోను చూడవచ్చు. చాట్ నుంచి బయటకి రావచ్చు. అయితే వీడియో చిన్న విండోలో ప్లే అవుతూనే ఉంటుంది. ఈ ఫీచర్ ఇంకా అభివృద్ధి దశలో ఉంది. బీటా టెస్టర్‌లకు కూడా ఇంకా అందుబాటులో రాలేదు. ఇది అందుబాటులోకి రావడానికి మరికొంత సమయం పట్టవచ్చు. ఈ ఫీచర్ గనక వస్తే వాట్సాప్‌నకు ప్రత్యేకంగా నిలవనుంది.

మరిన్ని వార్తల కోసం ఇక్కడ క్లిక్ చేయండి