Rajamahendravaram: గంజాయి కేసులో శిక్ష.. నేరస్తుడు పరారీ..

ABN , Publish Date - Mar 18 , 2025 | 05:25 AM

రాజమహేంద్రవరం త్రీటౌన్‌ సీఐ అప్పారావు తెలిపిన వివరాల ప్రకారం.. విశాఖపట్నం జిల్లా గన్నవరం పంచాయతీ నాచవరానికి చెందిన లావేటి తల్లిబాబును గంజాయి కేసులో డీఆర్‌ఐ పోలీసులు గతంలో అరెస్టు చేశారు. అప్పటి నుంచీ రాజమండ్రి సెంట్రల్‌ జైలులో రిమాండు ఖైదీగా ఉన్నాడు.

Rajamahendravaram: గంజాయి కేసులో శిక్ష.. నేరస్తుడు పరారీ..

రాజమహేంద్రిలో బేడీలు వేస్తుండగా కలబడి వేగంగా పరుగు

రాజమహేంద్రవరం, మార్చి 17(ఆంధ్రజ్యోతి): కోర్టు శిక్ష విధించిన ఖైదీ పోలీసుల నుంచి తప్పించుకుని పారిపోయాడు. రాజమహేంద్రవరం కోర్టు బయటు సోమవారం ఈ ఘటన చోటుచేసుకుంది. రాజమహేంద్రవరం త్రీటౌన్‌ సీఐ అప్పారావు తెలిపిన వివరాల ప్రకారం.. విశాఖపట్నం జిల్లా గన్నవరం పంచాయతీ నాచవరానికి చెందిన లావేటి తల్లిబాబును గంజాయి కేసులో డీఆర్‌ఐ పోలీసులు గతంలో అరెస్టు చేశారు. అప్పటి నుంచీ రాజమండ్రి సెంట్రల్‌ జైలులో రిమాండు ఖైదీగా ఉన్నాడు. సోమవారం అతని నేరం రుజువు కావడంతో కోర్టు పదేళ్ల జైలు, రూ.లక్ష జరిమానా విధించింది. కోర్టులో నిందితుడిని హాజరు పరిచే సమయంలో బేడీలు (హ్యాండ్‌ కప్స్‌) వేయకూడదు. దీంతో నేరస్తుడిని బయటికి తీసుకొచ్చి జైలుకు తరలించేందుకు బేడీలు వేస్తున్న క్రమంలో... తమతో కలబడి వేగంగా పారిపోయాడని ఎస్కార్టుగా వచ్చిన కానిస్టేబుల్‌, హెడ్‌ కానిస్టేబుల్‌ త్రీటౌన్‌ పోలీసులకు ఫిర్యాదు చేశారు.