H-1B Visa Approvals: గతేడాది అత్యధికంగా హెచ్-1బీ వీసాలు స్పాన్సర్ చేసిన కంపెనీలు ఇవే

ABN , Publish Date - Mar 24 , 2025 | 09:50 AM

గతేడాది హెచ్-1బీ వీసాలను స్పాన్సర్ చేసిన కంపెనీల వివరాలను యూసీఎస్ఐస్ విడుదల చేసింది. మరి ఈ జాబితాలో భారతీయ కంపెనీలు ఎన్ని ఉన్నాయో ఈ కథనంలో చూద్దాం.

H-1B visa approvals

అమెరికాలో హెచ్-1బీ వీసా అంశం ప్రస్తుతం చర్చనీయాంశంగా మారిన విషయం తెలిసిందే. ఈ నేపథ్యంలో గతేడాది అత్యధికంగా హెచ్-1బీ వీసాలు పొందిన కంపెనీల వివరాలను యూఎస్‌సీఐఎస్ తాజాగా వెల్లడించింది. గతేడాది జారీ అయిన వీసాల్లో దాదాపు ఐదో వంతు భారత మూలాలున్న టెక్ కంపెనీలే సొంతం చేసుకున్నాయట. గతేడాది ఏప్రిల్ సెప్టెంబర్ మధ్య కాలంలో జారీ అయిన 1,30,000 వీసాల్లో 24,766 వీసాలను భారత మూలాలున్న కంపెనీలు దక్కించుకున్నాయట.

యూఎస్‌సీఐఎస్ సమాచారం ప్రకారం ఇన్ఫోసిస్‌కు 8140 వీసాలు దక్కాయి. టీసీఎస్‌కు 5274 వీసాలు అప్రూవ్ అయ్యాయి. హెచ్‌సీఎల్ అమెరికాకు 2953, విప్రోకు 1634 వీసాలు దక్కాయి. టెక్ మహీంద్రా 1199 వీసాలు దక్కించుకుంది. అయితే, జెఫ్ బెజోస్ సారథ్యంలోని అమెజాన్ అత్యధికంగా 9265 వీసాలు దక్కించుకుంది.

Also Read: బహ్రెయిన్ తెలుగు కళా సమితి ఇఫ్తార్ విందులో అరబ్బు ప్రముఖులు

యూఎస్‌సీఐఎస్ పోర్టల్ ప్రకారం, కంపెనీల స్పాసర్స్ షిప్ సాయంతో వీసాలు పొందిన వ్యక్తులను అప్రూవ్డ్ బెనిఫీషియరీస్‌గా పేర్కొంటారు. కొత్తగా వీసాలు పొందిన వారితో పాటు వీసాలు పొడిగించుకున్న వారు కూడా ఈ జాబితాలో ఉంటారు. అయితే, వీసా పొందిన తరువాత విధులు ప్రారంభించారా లేదా అన్న సమాచారం మాత్రం ఈ వివరాల్లో ఉండదు.

హెచ్-1బీ వీసా పొందిన టాప్ కంపెనీలు ఇవే.