Omens: మంచి శకునాల్లో మొదటిది ఏంటంటే..

ABN Internet: ఎవరైనా ఎక్కడికైనా పని మీద బయటకు వెళ్లేటప్పుడు శకునాల (Omens) గురించి భారతీయ సంస్కృతి (Indian culture)లో లోతైన నమ్మకాలు (Beliefs) ఉంటాయి. ఆ నమ్మకాలు ప్రాంతీయ ఆచారాలు, గ్రంథాల ఆధారంగా రూపొందాయి. శకున శాస్త్రం (Astrology) ప్రకారం, కొన్ని సంకేతాలు శుభప్రదంగా, మరికొన్ని అశుభంగా పరిగణించబడతాయి.

మంచి శకునాలు..

మంచి శకునాల్లో మొదటిది ఏంటంటే.. ఇంటి నుంచి బయలుదేరినప్పుడు పాలు, పెరుగు లేదా తీపి పదార్థం తినడం. హిందూ సంప్రదాయంలో ఇది శుభ ప్రయాణానికి సంకేతంగా చెబుతారు. పురాణాల్లో, దేవతలు అమృతాన్ని స్వీకరించినట్లు ఇది సానుకూల శక్తిని తెస్తుందని విశ్వాసం. ఇంకా, గేదె, ఆవు లేదా ఏనుగు కనిపిస్తే అది శుభసూచకం. గేదె సంపదకు, ఆవు లక్ష్మీదేవికి ప్రతీక కాగా, ఏనుగు గణేశుడి ఆశీస్సులను సూచిస్తుంది. శకున శాస్త్ర గ్రంథాల్లో, స్త్రీలు పూలు లేదా పసుపు కుంకుమ పట్టుకుని కనిపిస్తే విజయానికి సంకేతమని రాశారు. ఉదయం పక్షుల కిలకిల శబ్దం, ముఖ్యంగా కోకిల శబ్దం, శుభ ఫలితాలను తెస్తుందని అంటారు. ఇవి సానుకూలతను ప్రతిబింభిస్తాయి.

Also Read..: వేసవిలో ఎంజాయ్ చేయాలనుకుంటే

అశుభ శకునాలు..

మనం బయటకు వచ్చినప్పుడు పిల్లి కనబడితే అశుభ శకునాల్లో అత్యంత ప్రసిద్ధమైనదని.. శకున శాస్త్రంలో, నల్ల పిల్లి ముందుకు వస్తే అడ్డంకులు రావచ్చని హెచ్చరిస్తారు. ఇది యూరోపియన్ నమ్మకాల నుంచి భారత్‌కు వచ్చినట్లు చరిత్రకారులు చెప్పారు. ఇంకా, ఒంటి కాకి కనిపిస్తే అశుభంగా భావిస్తారు, కానీ రెండు కాకులు కనిపిస్తే అది శుభసూచకంగా తమిళనాడు, ఆంధ్రప్రదేశ్‌లో బలంగా నమ్ముతారు. మనం బయల్దేరేటప్పుడు ఎవరైనా తుమ్మితే ఆగమని చెబుతారు, ఎందుకంటే అది అనారోగ్యం లేదా ఆటంకానికి సంకేతంగా చెబుతారు. గరుడపక్షి ఎడమ వైపు ఎగిరితే ఇబ్బందులు వస్తాయని.. కుడి వైపు ఎగిరితే శుభమని శకున గ్రంథాల్లో ఉంది.

ఈ నమ్మకాలు శాస్త్రీయంగా నిరూపితం కాకపోయినా, భారతీయ సంస్కృతిలో వాటికి నిగాఢమైన స్థానం ఉంది. పురాణాలు, స్థానిక ఆచారాల ఆధారంగా ఈ శకునాలు రూపొందాయి. ఉదాహరణకు, విష్ణు పురాణంలో శుభ సంకేతాలు ప్రయాణ విజయాన్ని సూచిస్తాయని చెప్పబడింది. ఈ ఆచారాలు మనసుకు ధైర్యాన్ని, ఆశను కలిగిస్తాయని.. కాబట్టి, బయటకు వెళ్లేటప్పుడు ఈ శకునాలను గమనించడం ఒక సాంప్రదాయంగా కొనసాగుతోంది.

ఈ వార్తలు కూడా చదవండి..

టీ ఎక్కువుగా తాగుతున్నారా

ఎదురొచ్చిన మృత్యువు..

For More AP News and Telugu News