IPL 2025: ఈడెన్‌లో షారూక్ సందడి.. రేపు చెన్నైలో అనిరుధ్ సంగీత విందుకు సిద్ధమా

క్రికెట్ ప్రేక్షకులను ఉర్రూతలూగించడానికి ఐపీఎల్ 2025 (IPL 2025) సర్వసన్నద్ధమైంది. కోల్‌కతా (Kolkakta)లోని ఈడెన్ గార్డెన్స్‌లో జరగబోయే తాజా సీజన్ తొలి మ్యాచ్‌లో కోల్‌కతా నైట్ రైడర్స్, బెంగళూరు రాయల్ ఛాలెంజర్స్ జట్లు తలపడబోతున్నాయి. ఆ మ్యాచ్ కంటే ముందు ఐపీఎల్ 2025 ప్రారంభోత్సవ వేడుకలు అట్టహాసంగా జరగబోతున్నాయి. ప్రముఖ సింగర్లు శ్రేయా ఘోషల్ (Shreya Ghoshal), అర్జిత్ సింగ్, కరణ్ ఔజ్లా ప్రదర్శన ఇవ్వబోతున్నారు.

అలాగే బాలీవుడ్ బాద్షా షారూక్ ఖాన్ ఇప్పటికే స్టేడియంకు చేరుకుని సందడి ప్రారంభించాడు. స్టేడియంలో కలియతిరుగుతూ అభిమానులను ఉత్సాహపరిచాడు. జట్టు సభ్యులతో మాట్లాడాడు. సంతోషంగా, ఆరోగ్యంగా ఉండండి అని సూచించాడు. అలాగే విదేశాల నుంచి వచ్చిన ఆటగాళ్లకు స్వాగతం పలికాడు. కొత్త కెప్టెన్ అయిన అజింక్య రహానేకు శుభాకాంక్షలు తెలియజేశాడు. అందరూ బాగా ఆడాలని ఆకాంక్షించాడు. ఇక, బాలీవుడ్ హాట్ హీరోయిన్ దిశా పటానీ (Disha Patani) కూడా ఈడెన్ గార్డెన్స్‌ (Eden Gardens)లో తన డ్యాన్స్ ప్రదర్శనతో అదరగొట్టబోతోంది. ఈ వేడుకల కోసం ఇప్పటికే శ్రేయా ఘోషల్, దిశా పటానీ కోల్‌కతా చేరుకున్నారు. వీరికి బెంగాల్ అభిమానులు ఘన స్వాగతం పలికారు.

ఆదివారం చెన్నైలోని చిదంబరం స్టేడియంలో చెన్నై సూపర్ కింగ్స్, ముంబై ఇండియన్స్ జట్ల మధ్య మ్యాచ్‌ జరగబోతోంది. రాత్రి 7:30 గంటలకు చెన్నైలో ఈ మ్యాచ్ ప్రారంభం కాబోతోంది. అంతకంటే ముందు సెన్సెషనల్ మ్యూజిక్ డైరెక్టర్ అనిరుధ్ ప్రదర్శన చెన్నై అభిమానులను అలరించబోతోంది. ఆదివారం సాయంత్రం 6:30 గంటలకు చిదంబరం స్టేడియంలో అనిరుధ్ ప్రదర్శన ఉంటుంది.

ఇవి కూడా చదవండి..

IPL 2025: బిగ్‌ స్క్రీన్‌పై ఐపీఎల్.. బీసీసీఐతో పీవీఆర్ ఒప్పందం..

IPL 2025, KKR vs RCB: ఈడెన్‌లో ఇప్పటివరకు ఎవరిది పైచేయి.. టాస్ గెలిస్తే ఏం చేయాలి..

మరిన్ని క్రీడా వార్తలు కోసం క్లిక్ చేయండి..