షెడ్యూల్‌ కులాలు, తెగల అభివృద్ధికి ప్రత్యేక చర్యలు
ABN , Publish Date - Mar 30 , 2025 | 12:06 AM
జిల్లాలో షెడ్యూల్‌ కులాలు, తెగల అభి వృద్ధికి ప్రత్యేక చర్యలు తీసుకోవాలని, పెండింగ్‌లో ఉన్న ఎస్సీ ఎస్టీ అట్రాసిటీ కేసులు పరిష్కరించాలని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య అన్నారు. శనివారం కలెక్టరేట్‌ సమావేశ మందిరంలో జిల్లా అధికారులతో సమా వేశం నిర్వహించారు.
పెద్దపల్లి, మార్చి 29 (ఆంధ్రజ్యోతి): జిల్లాలో షెడ్యూల్‌ కులాలు, తెగల అభి వృద్ధికి ప్రత్యేక చర్యలు తీసుకోవాలని, పెండింగ్‌లో ఉన్న ఎస్సీ ఎస్టీ అట్రాసిటీ కేసులు పరిష్కరించాలని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య అన్నారు. శనివారం కలెక్టరేట్‌ సమావేశ మందిరంలో జిల్లా అధికారులతో సమా వేశం నిర్వహించారు. జిల్లాలో వివిధ శాఖల ద్వారా అమలు చేస్తున్న ప్రభు త్వ కార్యక్రమాల వివరాలను, విద్య, వైద్యం సంక్షేమ రంగంలో ఎస్సీ వర్గాలకు అంది స్తున్న సదుపాయాలను అదనపు కలెక్టర్‌ వివరిం చారు. అనంతరం చైర్మన్‌ బక్కి వెంకటయ్య మాట్లా డుతూ కోర్టులలో పెండింగ్‌లో ఉన్న కేసుల్లో శిక్షపడే లా సాక్ష్యులను ప్రవేశ పెట్టాలన్నారు. ఎస్సీ ఎస్టీ సమస్యలను పరిష్కరించి బాధితులకు సత్వరమే న్యాయం జరిగే విధంగా చర్యలు తీసుకోవాలని తెలిపారు. పోలీస్‌ కేసులకు సంబంధించి కుల ధ్రువీకరణ పత్రాలు మంజూరుకు తహసీల్దార్‌ శ్రద్ధ వహించాలన్నారు. జాతీయ ఉపాధిహామీ పథకం కింద ఎస్సీ, ఎస్టీలకు వంద శాతం పని దినాలు కల్పించాలని, వేసవి దృష్ట్యా పని ప్రదేశాలలో తాగునీరు, నీడ, ఓఆర్‌ఎస్‌ ప్యాకెట్లు అందుబాటులో ఉండేలా చూడాలన్నారు. ఎస్సీ, ఎస్టీ అధికారులకు రోస్టర్‌ పాయింట్‌ ప్రకారం పదోన్నతులు పారదర్శకంగా వచ్చేలా వ్యవహరించాలని కోరారు. ఎస్సీలు హత్యకు గురైతే చట్టం ప్రకారం వారి కుటుంబానికి ఉద్యోగం, పెన్షన్‌, భూమి మంజూరు చేయాలన్నారు. ఎస్సీ, ఎస్టీ అట్రాసిటీ కేసులను సకా లంలో పరిష్కరించాలని నేరస్తులను అరెస్టు చేయా లన్నారు. చైర్మన్‌,సభ్యులను అధికారులు, ఉద్యోగులు, ప్రజలు సన్మానించారు. కలెక్టర్‌ కోయ శ్రీహర్ష, అదనపు కలెక్టర్‌ జే అరుణ శ్రీ, డీసీపీ కరుణాకర్‌, ఎస్సీ ఎస్టీ కమిషన్‌ సభ్యులు రాంబాబు నాయక్‌, కే లక్ష్మీనారాయణ, కుత్రం నీలాదేవి, రేణిగుంట్ల ప్రవీణ్‌, ఆర్‌డీఓలు గంగయ్య, పెద్దపల్లి, గోదావరిఖని ఏసీపీ లు, అధికారులు పాల్గొన్నారు.
