Nara Lokesh: జగన్, మంగళగిరి ఎమ్మెల్యేపై నారా లోకేష్ కీలక వ్యాఖ్యలు

అమరావతి: ఏపీ ముఖ్యమంత్రి వైఎస్ జగన్ మోహన్ రెడ్డి (JaganMohan Reddy)పై టీడీపీ (Tdp) మాజీ మంత్రి నారా లోకేష్ (Nara Lokesh) విమర్శలు గుప్పించారు. ఏపీ ప్రయోజనాలపై కేంద్రాన్ని జగన్‌రెడ్డి ప్రశ్నించడంలేదని, కేసుల మాఫీపై సార్.. సార్.. అంటూ ప్రధానిని వేడుకోవడం తప్ప.. ఏపీ కోసం జగన్‌రెడ్డి సాధించిందేమీ లేదని లోకేష్ మండిపడ్డారు. నియోజకవర్గ అభివృద్ధిని ఎమ్మెల్యే ఆళ్ల గాలికొదిలేశారని, అవినీతి, పేదల ఇళ్లు కూల్చడంలోనే ఎమ్మెల్యే ఆళ్ల బిజీగా ఉన్నారని లోకేష్ ఆగ్రహం వ్యక్తం చేశారు. ఇళ్ల పట్టాలు ఇస్తామని ప్రజలను ఆళ్ల రామకృష్ణారెడ్డి మోసం చేశారని లోకేష్‌ అన్నారు. 40 ఏళ్లుగా ఇరిగేషన్, అటవీ భూముల్లో నివసిస్తున్నవారికి టీడీపీ ప్రభుత్వం రాగానే ఇళ్ల పట్టాలు అందిస్తామని లోకేష్ హామీ ఇచ్చారు. ఉండవల్లి కొండపై గ్రావెల్ దోపిడీ జరుగుతోందని, అనుమతి గోరంత.. దోచింది కొండంత అని నారా లోకేష్‌ ఆరోపించారు. ఉండవల్లిలో 'బాదుడే బాదుడు' కార్యక్రమంలో నారా లోకేష్ పాల్గొన్నారు.