Errabelli : భగవంతుడు సంజయ్‌ను పెక్కున తన్నాడు
ABN , First Publish Date - 2022-11-08T06:24:30+05:30 IST
‘యాదగిరిగుట్ట లక్ష్మీ నరసింహస్వామి ఆలయాన్ని బీజేపీ రాష్ట్ర అఽధ్యక్షుడు బండి సంజయ్‌ హేళన చేశాడు. తడి దుస్తులతో డ్రామా చేశాడు. మునుగోడులో టీఆర్‌ఎస్‌ విజయంతో భగవంతుడు
తడి దుస్తులతో డ్రామాకు తగిన శాస్తి: ఎర్రబెల్లి
యాదాద్రి, నవంబరు 7 (ఆంధ్రజ్యోతి): ‘యాదగిరిగుట్ట లక్ష్మీ నరసింహస్వామి ఆలయాన్ని బీజేపీ రాష్ట్ర అఽధ్యక్షుడు బండి సంజయ్‌ హేళన చేశాడు. తడి దుస్తులతో డ్రామా చేశాడు. మునుగోడులో టీఆర్‌ఎస్‌ విజయంతో భగవంతుడు సంజయ్‌ను పెక్కున తన్నాడ’ని పంచాయతీరాజ్‌ మంత్రి ఎర్రబెల్లి దయాకర్‌రావు వ్యాఖ్యానించారు. సోమవారం ఆయన యాదగిరిగుట్ట లక్ష్మీనృసింహుడిని దర్శించుకున్న అనంతరం విలేకరులతో మాట్లాడారు. అమిత్‌ షా చెప్పులు మోసిన సంజయ్‌ను ప్రస్తుతం ఎవరు చెప్పులతో కొట్టారనేది నిర్ణయించుకోవాలన్నారు. రూ.18 వేల కోట్ల కాంట్రాక్టును రాజగోపాల్‌ రెడ్డికి ఇచ్చి, ఉప ఎన్నికకు బీజేపీ తెరలేపిందని ఆరోపించారు. టీఆర్‌ఎస్‌ ఎమ్మెల్యేలను ప్రలోభాలకు గురిచేసి కొనే ప్రయత్నం చేసిందన్నారు. వారి ప్రయత్నాలను ఎమ్మెల్యేలు, ప్రజలు తిప్పికొట్టారని, ఇప్పటికైనా బీజేపీ బుద్ధి తెచ్చుకుని మంచి మార్గంలో నడవాలన్నారు. హుజూరాబాద్‌, దుబ్బాకలో తప్పుడు వాగ్దానాలు చేసి బీజేపీ నేతలు గెలిచారని ప్రజలు గమనించారని తెలిపారు. బీజేపీ నేతలు భగవంతుడిని కూడా మోసం చేస్తున్నారన్నారు. కార్పొరేషన్‌ ఎన్నికల సందర్భంగా వరంగల్‌లో భద్రకాళి అమ్మవారిని, హైదరాబాద్‌లో భాగ్యలక్ష్మి అమ్మవారిని దర్శించుకుని తప్పుడు వాగ్దానాలు చేయడంతో ప్రజలు తిప్పికొట్టారన్నారు.
