Talasani: బీఆర్ఎస్‌ను కట్టడి చేయాలనే..

TS News: తలసాని శ్రీనివాస్ తెలంగాణలో ఇటీవల జరుగుతున్న పరిణామాలపై స్పందించారు. మంత్రి మల్లారెడ్డి (Malla Reddy)పై ఐటీ అధికారుల నేపథ్యంలో ఆయన మాట్లాడుతూ..‘‘హైదరాబాద్ టీఆర్ఎస్(TRS) అడ్డా. ఎవ్వరూ ఏం చేయలేరు. మంత్రి మల్లారెడ్డిపై ఐటీ అధికారులు ప్రవర్తించిన తీరు సరికాదు. మంత్రి మల్లారెడ్డి సెల్ ఫోన్ లాక్కోవడం ఏమిటి? టైమ్ అందరికీ వస్తుంది. త్వరలోనే నిజాం కాలేజీలో బహిరంగ సభ నిర్వహిస్తాం. టీఆర్ఎస్ సత్తా చాటుతాం. టీఆర్ఎస్ ఎవరి తాటాకు చప్పుళ్లకు భయపడదు. బీఆర్ఎస్‌ను కట్టడి చేసేందుకు మాలో కొందరి నేతలను ఇబ్బంది పెడుతున్నారు.’’ అని పేర్కొన్నారు. మొన్నటి వరకు మునుగోడులో బీజేపీ(BJP) నేతలు గద్దల్లా తిరిగారు. ఇప్పుడు ఎవరైనా వస్తున్నారా? అని ప్రశ్నించారు. ‘నామినేటేడ్ పదవులు రాలేదని అసంతృప్తి ఉండటం సహజం. టీఆర్ఎస్ కార్యకర్త అంటేనే గౌరవమైన పదవి. అంతకంటే గౌరవప్రద పదవి ఉండదు. సందర్భాన్ని బట్టి పదవి ఇంటికి వస్తుంది. ఎవరూ అధైర్య పడొద్ద’ని అన్నారు.