Yadadri: యాదాద్రిలో భక్తుల సందడి..

యాదాద్రి శ్రీ లక్ష్మీ నరసింహస్వామి ఆలయంలో ఆదివారం భక్తులు పోటెత్తారు.. కార్తీకమాసం ముగుస్తుండటం... ఆదివారం సెలవు రోజుతో పాటు స్వాతి నక్షత్రం కావడంతో భక్తులు పెద్దసంఖ్యలో తరలివచ్చి నృసింహుడిని దర్శించుకున్నారు. స్వామివారి ధర్మ దర్శనానికి ఐదు గంటలు, ప్రత్యేక దర్శనానికి 3 గంటల సమయం పట్టింది. సుమారు 60 వేలకు పైగా భక్తులు స్వామి వారిని దర్శించుకుని మొక్కులు చెల్లించుకున్నట్టు దేవస్థాన అధికారులు తెలిపారు.