Bhatti Vikramarka: తెలంగాణలో కాంగ్రెస్ అధికారంలోకి రావడం ఖాయం

రంగారెడ్డి జిల్లా: తెలంగాణ (Telangana)లో కాంగ్రెస్ (Congress) అధికారంలోకి రావడం ఖాయమని సీఎల్పీ నేత భట్టి విక్రమార్క (CLP Leader Bhatti Vikramarka) ధీమా వ్యక్తం చేశారు. కాంగ్రెస్ అధికారంలోకి వచ్చిన వెంటనే ఆరు గ్యారంటీ పథకాలను (Six Guarantee Schemes) అమలు చేస్తామని ప్రకటించారు. మహేశ్వర నియోజకవర్గం, తుప్పగూడలో జరిగిన పార్టీ బూత్ కమిటీ (Booth Committee) సభ్యుల సమావేశంలో ఆయన ప్రసంగించారు.

ప్రతిపక్షాల భూటకపు మాటలను తిప్పి కొట్టాలని కాంగ్రెస్ శ్రేణులకు భట్టి విక్రమార్క పిలుపిచ్చారు. తెలంగాణ ఆర్థిక పరంగా బలమైన రాష్ట్రం అయినందున సుభిక్షమైన పాలన అందించాలన్నది తమ లక్ష్యమని స్పష్టం చేశారు. తర్వాత పార్టీ అభ్యర్థి కేఎల్‌ఆర్ (KLR) మాట్లాడతూ మహేశ్వరంలో కాంగ్రెస్ గెలుపు ఖాయమన్నారు. కేఎల్‌ఆర్‌ను ఎమ్మెల్యేగా గెలుపించుకుంటే అందరికీ మేలు జరుగుతుందని పలువురు కాంగ్రెస్ నేతలు పేర్కొన్నారు.