‘పొలం పిలుస్తోంది’ పోస్టర్‌ ఆవిష్కరణ

జగ్గంపేట, సెప్టెంబరు 4: స్థానిక రావులమ్మనగర్‌లోని ఎమ్మెల్యే క్యాంపు ఆఫీసులో పొలం పిలుస్తోంది కార్యక్రమ పోస్టర్‌ను జగ్గంపేట ఎమ్మెల్యే జ్యోతుల నెహ్రూ, కాకినాడ ఎంపీ తంగెళ్ల ఉదయ్‌శ్రీనివాస్‌, జనసేన పార్టీ జిల్లా అధ్యక్షుడు తుమ్మలబాబు, జనసేన ఇన్‌చార్జి తుమ్మలపల్లి రమేష్‌ ఆవిష్కరించారు. వ్యవసాయాన్ని లాభసాటిగా మార్చాలనే ఉద్దేశ్యంతో రైతులకు అన్ని రకాల సహాయ సహకారాలు అందించడానికి ప్రభుత్వం సిద్ధంగా ఉందని వారు తెలిపారు. ఎమ్మెల్యే జ్యోతుల నెహ్రూతో ఎంపీ ఉదయ్‌ శ్రీనివాస్‌ భేటీ అయ్యి రాజకీయ అంశాలపై చర్చించుకుని జగ్గంపేట నియోజకవర్గ అభివృద్ధికి సహకరిస్తానని ఎంపీ తెలిపారు. కార్యక్రమంలో టీడీపీ నాయకులు ఎస్‌వీఎస్‌ అప్పలరాజు, మారిశెట్టి భద్రం, జాస్తి వసంత్‌, దాపర్తి సీతారామయ్య, జనసేన నాయకులు ఉలిసి ఐరజ్‌, పాలిశెట్టి సతీష్‌, మరిసే రామకృష్ణ, మొగిలి గంగాధర్‌, సింగూలూరి రాందీపు, దొడ్డ శ్రీను, తాళ్ళూరు రామిరెడ్డి పాల్గొన్నారు.