ఏపీటీడీసీని ప్రగతి పథంలో నడిపిస్తా
ABN , Publish Date - Oct 06 , 2024 | 04:02 AM
ఏపీ టూరిజం డెవల్‌పమెంట్‌ కార్పొరేషన్‌(ఏపీటీడీసీ)ను ప్రగతి పథంలో నడిపించడానికి కృషి చేస్తానని నూకసాని బాలాజీ అన్నారు.
చైర్మన్‌గా నూకసాని బాలాజీ బాధ్యతలు
అమరావతి, అక్టోబరు 5(ఆంధ్రజ్యోతి): ఏపీ టూరిజం డెవల్‌పమెంట్‌ కార్పొరేషన్‌(ఏపీటీడీసీ)ను ప్రగతి పథంలో నడిపించడానికి కృషి చేస్తానని నూకసాని బాలాజీ అన్నారు. ప్రకాశం జిల్లా సింగరాయకొండకు చెందిన ఆయన శనివారం ఏపీటీడీసీ చైర్మన్‌గా బాధ్యతలు స్వీకరించారు. తనకు చైర్మన్‌గా బాధ్యతలు అప్పగించిన సీఎం చంద్రబాబుకు కృతజ్ఞతలు తెలిపారు. చంద్రబాబు బాటలో పయనిస్తానని చెప్పారు. ఈ సందర్భంగా మంత్రులు అనగాని సత్యప్రసాద్‌, మంత్రి కొల్లు రవీంద్ర, బాల వీరాంజనేయ స్వామి, గొట్టిపాటి రవికుమార్‌, టీడీపీ ఎమ్మెల్యేలు, నాయకులు ఆయనకు అభినందనలు తెలిపారు.
