Israel Airstrike: శివారు ప్రాంతాలపై మళ్లీ దాడులు.. పిల్లలతో సహా 40 మంది మృతి

ఇజ్రాయెల్ (israel) గత కొన్ని నెలలుగా లెబనాన్‌పై (Lebanon) దాడులు చేస్తుంది. ఈ క్రమంలో శనివారం రాత్రి జరిగిన ఇజ్రాయెల్ వైమానిక దాడుల్లో చాలా మంది పిల్లలతో సహా కనీసం 40 మంది మరణించారని లెబనీస్ అధికారులు తెలిపారు. సమీపంలోని పట్టణాల్లో జరిగిన దాడుల్లో 13 మంది మరణించారని లెబనాన్ ఆరోగ్య మంత్రిత్వ శాఖ తెలిపింది. ఇందులో హిజ్బుల్లా, దానికి సంబంధించిన అమల్‌తో సంబంధం ఉన్న రెస్క్యూ గ్రూపులకు చెందిన ఏడుగురు వైద్యులు ఉన్నారు. బాల్‌బెక్ చుట్టూ ఉన్న తూర్పు మైదానాల్లో శనివారం ఇజ్రాయెల్ చేసిన దాడుల్లో దాదాపు 20 మంది మరణించారు.

గత 24 గంటల్లో

లెబనాన్ రాజధాని బీరుట్‌లోని దక్షిణ శివారు ప్రాంతాలపై గత 24 గంటల్లో ఇజ్రాయెల్ వైమానిక దాడుల్లో అనేక మంది చిన్నారులు సహా కనీసం 40 మంది మరణించారని లెబనీస్ అధికారులు ప్రకటించారు. బీరుట్ దక్షిణ శివారు ప్రాంతాలను జెట్‌లు ధ్వంసం చేసి, అనేక భవనాలను ధ్వంసం చేశాయని పేర్కొన్నారు. ఆ తర్వాత ఇజ్రాయెల్ వైమానిక దళం దక్షిణ, తూర్పు లెబనాన్‌లోని వివిధ ప్రాంతాలపై కొన్ని గంటలపాటు వైమానిక దాడులు చేసిందని వెల్లడించారు.

దాడులకు ముందు

ఇజ్రాయెల్ దాడి తర్వాత రెస్క్యూ ఆపరేషన్ కొనసాగుతోంది. దాడి తర్వాత స్వాధీనం చేసుకున్న మృతదేహాలను గుర్తించడానికి DNA పరీక్షలు చేస్తున్నారు. ఇజ్రాయెల్ సైన్యం గతంలో లెబనాన్‌లో అనేక ప్రాంతాలను ఖాళీ చేయమని ఆదేశించింది. కానీ ఇటివల దాడులకు ముందు సోషల్ మీడియా ప్లాట్‌ఫారమ్ Xలో ఇజ్రాయెల్ సైనిక ప్రతినిధి ఎటువంటి ఉత్తర్వును జారీ చేయలేదని అంటున్నారు. ఇటివల దాడుల కారణంగా చిన్నారులు కూడా మరణించారని మంత్రిత్వ శాఖ తెలిపింది.

కాల్పుల విరమణ లేదా?

టైర్, బాల్‌బెక్ ప్రాంతాల్లోని హిజ్బుల్లా ఇన్‌ఫ్రాస్ట్రక్చర్ సైట్‌లు, ఫైటర్స్, ఆపరేషనల్ అపార్ట్‌మెంట్లు ఆయుధాల దుకాణాలపై దాడి చేసినట్లు ఇజ్రాయెల్ సైన్యం తెలిపింది. లెబనాన్‌పై గత ఏడాది నుంచి ఇజ్రాయెల్ దాడులు చేస్తోంది. ఇందులో కనీసం 3,136 మంది మరణించారు. 13,979 మంది గాయపడ్డారని లెబనాన్ ఆరోగ్య మంత్రిత్వ శాఖ తెలిపింది. వీరిలో 619 మంది మహిళలు, 194 మంది పిల్లలు ఉన్నారు.

భయంభయంగా

ఇజ్రాయెల్ అక్టోబర్ 2023 నుంచి లెబనీస్ సాయుధ సమూహం హిజ్బుల్లాతో పోరాటంలో నిమగ్నమై ఉంది. అయితే ఈ ఏడాది సెప్టెంబరు నుంచి పోరాటం తీవ్రరూపం దాల్చింది. దీంతో ఈ దేశాల ప్రజలు ప్రతి రోజు కూడా భయంభయంగా జీవిస్తున్నారు. కాల్పుల విరమణ ఒప్పందం ఎప్పుడు జరుగుతుందోనని వేచిచూస్తున్నారు. ఈ దాడుల విషయంలో అగ్రరాజ్యం అమెరికా సహా కీలక దేశాలు జోక్యం చేసుకోవాలని కోరుతున్నారు.

ఇవి కూడా చదవండి:

Donald Trump: డొనాల్డ్ ట్రంప్ గెలుపు తర్వాత పక్క దేశాల భయాందోళన.. కారణమిదేనా..

Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..

Life Certificate 2024: మీ పెన్షన్ ఆగకుడదంటే ఇలా చేయండి.. కొన్ని రోజులే గడువు..

PPF Account: ఉపయోగించని మీ పీపీఎఫ్ ఖాతాను ఇలా యాక్టివేట్ చేసుకోండి..

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Read More International News and Latest Telugu News