Viral Video: బిజీ రోడ్డు మీద గేదెతో స్టంట్.. హర్యానా యువకుడి వింత చేష్టలు.. ఏం జరిగిందో చూడండి..
ABN , Publish Date - Mar 31 , 2024 | 05:17 PM
తాజాగా ఓ యువకుడు గేదె మీద సవారీ చేసి వీడియో రికార్డ్ చేసుకున్నాడు. ఆ వీడియోను సోషల్ మీడియాలో పోస్ట్ చేశాడు. ఆ వీడియోపై నెటిజన్లు విమర్శలు కురిపిస్తున్నారు.
సోషల్ మీడియాలో పాపులారిటీ సంపాదించాలనే తీవ్రమైన కాంక్షతో కొందరు వింత వింత ప్రయోగాలు చేస్తున్నారు. వ్యూస్, లైక్స్ సాధించడమే లక్ష్యంగా పెట్టుకుని కామన్ సెన్స్ లేకుండా ప్రవర్తిస్తున్నారు. తాజాగా ఓ యువకుడు గేదె (Buffalo) మీద సవారీ చేసి వీడియో రికార్డ్ చేసుకున్నాడు. ఆ వీడియోను (Viral Video) సోషల్ మీడియాలో పోస్ట్ చేశాడు. ఆ వీడియోపై నెటిజన్లు విమర్శలు కురిపిస్తున్నారు. bull_rider_077 అనే ఇన్‌స్టాగ్రామ్ హ్యాండిల్‌లో ఆ వీడియో షేర్ అయింది (Buffalo Ride).
వైరల్ అవుతున్న ఈ వీడియోలో ఓ యువకుడు హర్యానాలోని రద్దీగా ఉండే రహదారి మీద గేదెపై కూర్చుని సవారీ చేస్తున్నాడు. గేదె వేగంగా పరిగెత్తుతున్న సమయంలో ఆ రోడ్డుపై ఇతర వాహనాలు కూడా వెళ్తున్నాయి. ఈ వీడియో సోషల్ మీడియాలో వైరల్‌గా మారింది. ఈ వీడియోకు కోట్ల కొద్దీ వ్యూస్ వచ్చాయి. 27 లక్షల మందికి పైగా లైక్ చేశారు. ఈ వీడియోపై నెటిజన్లు విమర్శలు గుప్పిస్తున్నారు.
``పెట్రోల్ అక్కర్లేదు, లైసెన్స్ అక్కర్లేదు``, ``ఇలాంటి రీల్స్‌కు దయచేసి ఎవరూ లైక్ కొట్టకండి``, ``గేదె మీద యమరాజులా ఉన్నాడు``, ``ఇది జంతు హింస``, ``ఆ రోడ్డుపై ప్రయాణిస్తున్న ఇతర ప్రయాణికులకు ప్రమాదం``, ``ఇది తీవ్ర నిర్లక్ష్యం``, ``ఇతడిని వెంటనే అరెస్ట్ చేయాలి`` అంటూ నెటిజన్లు కామెంట్లు చేశారు.
