సిజేరియన కాన్పులు 20 శాతానికి మించకూడదు: డీఎంహెచవో
ABN , Publish Date - Mar 20 , 2025 | 12:55 AM
సాధారణ కాన్పు లకు అధిక ప్రాధాన్యం ఇవ్వాలని, సిజేరియన (సీ-సెక్షన) కాన్పులు 20 శాతం మించకూడదని ప్రైవేటు హాస్సిటల్స్‌ యజమాన్యాన్ని డీఎంహెచవో డాక్టర్‌ పి.శాంతికళ హెచ్చరించారు.
కర్నూలు హాస్పిటల్‌, మార్చి 19(ఆంధ్రజ్యోతి): సాధారణ కాన్పు లకు అధిక ప్రాధాన్యం ఇవ్వాలని, సిజేరియన (సీ-సెక్షన) కాన్పులు 20 శాతం మించకూడదని ప్రైవేటు హాస్సిటల్స్‌ యజమాన్యాన్ని డీఎంహెచవో డాక్టర్‌ పి.శాంతికళ హెచ్చరించారు. బుధవారం జిల్లా వైద్యఆరోగ్య శాఖ కార్యాలయంలో డీఎంహెచవో ప్రైవేటు హాస్పిటల్‌ యజమాన్యాలతో సమీక్ష నిర్వహించారు. నగరంలో సి-సెక్షన కాన్పులు 40 నుంచి 45 శాతం నిర్వహిస్తున్నారని, దీనిపై సి-సెక్షన ఆడిట్‌ టీంతో ఆడిట్‌ నిర్వహించి చర్యలు తీసుకుంటామని హెచ్చరించారు. ప్రతి నెలా 3వ తేదీలోపు కాన్పుల వివరాలను హెల్త్‌ మేనేజ్మెంట్‌ ఇన ఫర్‌మేషన సిస్టమ్‌ పోర్టల్‌లో అప్‌లోడు చేయాలని డీఎంహెచవోను ఆదేశించారు. సమీక్షలో ఎస్‌వో హేమసుందర్‌ పాల్గొన్నారు.
