IPL 2025: అవేశ్ ఖాన్‌కు ఫిట్ సర్టిఫికేట్.. లక్నో క్యాంప్‌లో చేరేందుకు సిద్ధం
ABN , Publish Date - Mar 25 , 2025 | 06:44 PM
2025 ఐపీఎల్ 18వ సీజన్‌ నుంచి మరో కీలక అప్‌డేట్ వచ్చింది. ఈ క్రమంలో బీసీసీఐ సెంటర్ ఆఫ్ ఎక్సలెన్స్, అవేశ్ ఖాన్‌కు ఫిట్ సర్టిఫికేట్ ఇచ్చింది. దీంతో అతను లక్నో సూపర్ గైయింట్స్ క్యాంప్‌లో చేరేందుకు సిద్ధంగా ఉన్నాడు.
ఐపీఎల్ 2025(IPL 2025)లో లక్నో సూపర్ గైయింట్స్ జట్టు నుంచి గురించి కీలక అప్‌డేట్ వచ్చేసింది. లక్నో శిబిరంలో చేరడానికి బీసీసీఐ సెంటర్ ఆఫ్ ఎక్సలెన్స్ అవేష్ ఖాన్(Avesh Khan)కు ఫిట్ సర్టిఫికేట్ ఇచ్చింది. మోకాలి గాయంతో బాధపడుతున్న ఈ పేసర్ బీసీసీఐ వైద్య బృందం పర్యవేక్షణలో కోలుకున్నాడు. అయితే 28 ఏళ్ల ఈ ఆటగాడు త్వరగా కోలుకుని మార్చి 24న సోమవారం నాడు వైద్య పరీక్షలో ఉత్తీర్ణుడయ్యాడు. దీంతో అతను తిరిగి క్రికెట్‌లో సందడి చేయడానికి సిద్ధంగా ఉన్నాడు. ఈ ఫ్రాంచైజీ కోసం దాదాపు మూడు ఆటలకు దూరంగా ఉన్నట్లు తెలుస్తోంది.
హైదరాబాద్‌ మ్యాచులో ఉంటాడా..
అవేశ్ 2025 జనవరి నుంచి ప్రొఫెషనల్ క్రికెట్‌లో పాల్గొన లేదు. బెంగళూరులో తన చికిత్స పూర్తి చేసుకున్న అవేశ్, ఇప్పుడు లక్నో సూపర్ గైయింట్స్ క్యాంప్‌లో చేరేందుకు సిద్ధమయ్యాడు. అయితే, అతను లక్నో జట్టులో ఎప్పుడు చేరుతాడనేది ఇంకా స్పష్టంగా తెలియాల్సి ఉంది. ఈ సీజన్‌లో రిషబ్ పంత్ నాయకత్వంలోని జట్టు మార్చి 27న సన్‌రైజర్స్ హైదరాబాద్‌తో కీలక మ్యాచ్ ఆడనుంది. అక్కడ అవేశ్ ఆడతాడా లేదా అనే దానిపై జట్టు నిర్ణయం తీసుకోనుంది.
గాయాలతో బాధపడుతున్న లక్నో ఆటగాళ్లు
ఈ IPL 2025 సీజన్‌లో లక్నో సూపర్ గైయింట్స్ జట్టుకు అనేక ఆటగాళ్లు గాయాలతో బాధపడుతున్నారు. ఇది ఫ్రాంచైజీకి పెద్ద సవాలని చెప్పవచ్చు. జట్టులో అత్యంత ముఖ్యమైన బౌలర్ అయిన మోహ్సిన్ ఖాన్ ఈ సీజన్‌లో భాగంగా అందుబాటులో లేరు. IPL 2025 నుంచి అతను తప్పించబడగా, శార్దుల్ ఠాకూర్‌ను ఆయన స్థానంలో నియమించారు. మోహ్సిన్ ఖాన్‌ను తప్పించి, లక్నో జట్టు కొత్త సభ్యులతో మెరుగైన ప్రదర్శన సాధించాలని ఆశిస్తోంది. అంతేకాదు మయాంక్ యాదవ్ 11 కోట్ల రూపాయలకు retained అయిన ఈ ఆటగాడు, గాయంతో బాధపడుతున్నాడు. మరోవైపు ఆకాష్ దీప్ కూడా కొన్ని మ్యాచ్‌లకు మిస్ కావచ్చని తెలుస్తోంది.
లక్నో ప్రారంభ మ్యాచ్‌లో ఓటమి
IPL 2025లో లక్నో సూపర్ గైయింట్స్ వీరి మొదటి మ్యాచ్‌లో ఢిల్లీ క్యాపిటల్స్‌తో తలపడింది. ఈ మ్యాచ్‌లో లక్నో జట్టు విజయానికి దగ్గరగా వెళ్లింది. కానీ కొన్ని చిన్న పొరపాట్ల కారణంగా చివరకు ఓటమి చెందారు. మొదటి ఇన్నింగ్స్‌లో 209 పరుగులు చేసిన లక్నో, ఢిల్లీని మొదట 65/5 వరకు కట్టడి చేసింది. కానీ చివరగా, లక్నో జట్టు వికెట్ తేడాతో ఓడిపోయింది. చివరి ఓవర్‌లో వికెట్ కోల్పోయినా, ఆశోతోష్ నిలిచి డిల్లీ జట్టుకు విజయాన్ని అందించాడు.
ఇవి కూడా చదవండి:
IPL 2025: పంజాబ్ సూపర్ కింగ్స్‌లో పవర్‌ఫుల్ హిట్టర్ల లిస్ట్ చుశారా..
Single Recharge: ఒకే రీఛార్జ్‌తో ముగ్గురికి ఉపయోగం..సరికొత్త ప్లాన్ ప్రవేశపెట్టిన బీఎస్‌ఎన్‌ఎల్
Layoffs: ఎంది సామి..మళ్లీ 9 వేల లే ఆఫ్స్, ఇక మిగిలేది ఎవరు..
NASSCOM: వచ్చే రెండేళ్లలో లక్ష మంది విద్యార్థులకు ఉచితంగా ఏఐ శిక్షణ
Call Merging Scam: కొత్త రకం మోసం కాల్ మెర్జింగ్ స్కామ్..అలర్ట్ చేసిన కేంద్రం..
Read More Business News and Latest Telugu News
