Jagan: చంద్రబాబు, పవన్ కల్యాణ్‌కు సీఎం జగన్ కౌంటర్

కడప: మాజీ సీఎం చంద్రబాబు (Chandrababu), జనసేన అధినేత పవన్ కల్యాణ్‌ (Pawan Kalyan)కు సీఎం జగన్ (CM Jagan) కౌంటర్ ఇచ్చారు. ఎన్నికలు వస్తుంటాయ్‌.. పోతుంటాయ్‌ అని, చంద్రబాబు మాదిరిగా ఈ రాష్ట్రం కాకపోతే ఆ రాష్ట్రంలో.. ఈ పార్టీ కాకపోతే మరో పార్టీ అని తాను అనను అని సీఎం జగన్‌ అన్నారు. దత్తపుత్రుడిలా ఈ భార్య కాకపోతే మరో భార్య అని అనని, ఇదే నా రాష్ట్రం.. ఇక్కడే నా నివాసం అని సీఎం జగన్‌ అన్నారు. నాయకుడు అనే వాడికి నిబద్ధత ఉండాలని, నాయకుడు అంటే ప్రజలు గర్వంగా కాలరెత్తుకునేలా ఉండాలని జగన్ అన్నారు. ప్రజలకు ఇచ్చిన హామీల్లో 90 శాతానికిపైగా నెరవేర్చామని, చంద్రబాబుకు, మీ బిడ్డకు మధ్య యుద్ధం జరుగుతోందని జగన్‌ తెలిపారు. ఎన్నికల్లో మీ బిడ్డ నమ్ముకున్నది దేవుడిని, మిమ్మల్ని అని, వేరేవారిని తాను నమ్ముకోలేదని సీఎం జగన్‌ స్పష్టం చేశారు.