Devineni uma: ఢిల్లీ లిక్కర్ స్కామ్‌లో జగన్, విజయసాయి పాత్రపై ఈడీ, సీబీఐ దర్యాప్తు చేయాలి

ఎన్టీఆర్ జిల్లా: ఏపీ సీఎం జగన్ (AP CM Jagan), విజయసాయి రెడ్డి (Vijayasai Reddy)పై టీడీపీ నేత దేవినేని ఉమామహేశ్వరరావు (Devineni Umamaheswara Rao) విమర్శలు గుప్పించారు. ఢిల్లీ లిక్కర్ స్కామ్‌లో జగన్, విజయసాయి కుటుంబ పాత్ర ఉందని దేవినేని ఉమ ఆరోపించారు. లిక్కర్ స్కామ్‌లో అరెస్టయిన వారు జగన్ కుటుంబానికి చెందిన కంపెనీల్లో పెట్టుబడులు పెట్టినవారే అని దేవినేని మండిపడ్డారు. ఎన్నికల్లో అవినీతి డబ్బులు పెట్టిన వారందరికీ కాకినాడ పోర్టు, సెజ్, అంబులెన్స్, మద్యం వ్యాపారాలు కట్టబెట్టారని దేవినేని ఉమ ఆరోపించారు. లిక్కర్ స్కామ్‌లో జగన్, విజయసాయి పాత్రపై ఈడీ, సీబీఐ దర్యాప్తు చేయాలని టీడీపీ నేత దేవినేని ఉమ డిమాండ్ చేశారు.