Superstar Krishna: సూపర్‌స్టార్ ఆరోగ్యంపై స్పందించిన నరేశ్

సూపర్ స్టార్ కృష్ణ (Superstar Krishna) ఆరోగ్యం (Health)పై సినీ నటుడు సీనియర్ నరేశ్ (Naresh) స్పందించారు. కృష్ణ స్వల్ప అస్వస్థతకు గురయ్యారని నరేశ్ తెలిపారు. శ్వాస సంబంధిత సమస్య తలెత్తడంతో ఆయన్ను ఆదివారం ఆస్పత్రిలో చేర్చినట్లు చెప్పారు. గచ్చిబౌలిలోని కాంటినెంటల్ ఆస్పత్రిలో కృష్ణకు చికిత్స అందిస్తున్నట్లు, ఆయన ఆరోగ్యం బాగానే ఉందని సినీనటుడు నరేశ్ పేర్కొన్నారు. 24 గంటల తర్వాత ఆస్పత్రి నుంచి కృష్ణను డిశ్చార్జ్ చేస్తారని ఆయన చెప్పుకొచ్చారు. అలాగే.. సూపర్‌స్టార్‌ కృష్ణ గారి ఆరోగ్యం నిలకడగా వుంది. జనరల్ చెకప్ కోసం హాస్పిటల్‌కి వెళ్లారు. ఆందోళన చెందాల్సిన అవసరం లేదని కృష్ణ సన్నిహితులు తెలిపారు.