Minister Amarnath: విశాఖపట్నంపై కొంతమంది విషo చిమ్ముతున్నారు

విశాఖపట్నం: అమరావతి కలల రాజధానిని నష్టపోతారని విశాఖపట్నంపై పనిగట్టుకొని కొంతమంది విషo చిమ్ముతున్నారని మంత్రి గుడివాడ అమర్నాథ్(Minister Gudivada Amarnath) అన్నారు. శుక్రవారం నాడు విశాఖ వైసీపీ పార్టీ ఉమ్మడి ఉత్తరాంధ్ర జిల్లాల ముఖ్య నేతల సమావేశం నిర్వహించారు. ఈ సమావేశంలో మంత్రి గుడివాడ అమర్నాథ్ పాల్గొన్నారు. ఈ సందర్భంగా మంత్రి గుడివాడ అమర్నాథ్ మీడియాతో మాట్లాడుతూ..‘‘ఉత్తరాంధ్ర ప్రాంత అభివృద్ధి కోసం రాష్ట్రప్రభుత్వం కమిటీ వేసింది. పురందేశ్వరి, పవన్ కళ్యాణ్, చంద్రబాబు విశాఖపట్నం రాజధానిపై మాట్లాడుతున్నవారంతా ఆంధ్రప్రదేశ్‌కి సంబంధం లేనివారే. పవన్ కళ్యాణ్‌కి పోటీ చేయడానికి ఉత్తరాంధ్ర కావాలి, మీరు మాత్రం హైదరాబాద్‌లో ఉంటారు. పురందేశ్వరిని వేరే పార్టీగా చూడాల్సిన అవసరం లేదు. వీరంతా హైదరాబాద్‌లో ఉంటూ ఈ ప్రాంతంపై నిరంతరం దుష్ప్రచారం చేస్తున్నారు’’ అని మంత్రి గుడివాడ అమర్నాథ్ పేర్కొన్నారు.