YCP: వైసీపీ పెద్దలపై కోటంరెడ్డి శ్రీధర్రెడ్డి సంచలన వ్యాఖ్యలు

నెల్లూరు: వైసీపీ (YCP) పెద్దలపై నెల్లూరు రూరల్ వైసీపీ ఎమ్మెల్యే కోటంరెడ్డి శ్రీధర్రెడ్డి (Kotamreddy Sridhar Reddy) సంచలన వ్యాఖ్యలు చేశారు. వైసీపీ పెద్దలే తన ఫోన్ ట్యాపింగ్ (Phone tapping) చేయించారని కోటంరెడ్డి శ్రీధర్రెడ్డి ఆరోపించారు. ఫోన్ ట్యాంపింగ్ చేసిన వారిని కనిపెట్టాలని ప్రభుత్వాన్ని కోరానని, నిజంగా ప్రభుత్వం ఫోన్ ట్యాపింగ్ చేయించకుంటే.. విచారణ చేయించవచ్చు కదా? అని ABNతో కోటంరెడ్డి శ్రీధర్రెడ్డి చెప్పారు.

తాను ఫోన్ మాట్లాడిన తన మిత్రుడు ఓ కాంట్రాక్టర్‌ అని, వైసీపీ నేతలు తమ నిజాయితీని నిరూపించుకోకుండా తన మిత్రుడిని దారిలోకి తెచ్చుకునేందుకు ప్రయత్నిస్తున్నారని కోటంరెడ్డి మండిపడ్డారు.

ఫోన్ ట్యాపింగ్ వ్యవహారాన్ని దారిమళ్లించేందుకు తనపై ఆరోపణలు చేస్తున్నారని విమర్శించారు. నమ్మకంలేని చోట తాను పార్టీలో ఎలా కొనసాగాలి? అని కోటంరెడ్డి అన్నారు. బయటకు వచ్చాక తాను ఎవరిని కలిస్తే మీకెందుకు? అని వైసీపీ నేతలను (YCP leaders) కోటంరెడ్డి ప్రశ్నించారు.