Union Budget 2024: విద్యార్థులకు గుడ్ న్యూస్.. 10 లక్షల వరకు లోన్స్

ఆర్థిక మంత్రి నిర్మలా సీతారామన్ ఈరోజు జులై 23న పార్లమెంట్‌లో కేంద్ర బడ్జెట్ 2024(Union Budget 2024)ను సమర్పిస్తున్నారు. దివంగత మొరార్జీ దేశాయ్ ఆరు వరుస బడ్జెట్‌ల రికార్డును అధిగమించి ఆమె వరుసగా ఏడవ బడ్జెట్‌ను సమర్పిస్తున్నారు. కేంద్ర బడ్జెట్ 2024ను సమర్పిస్తున్న సందర్భంగా నిర్మలా సీతారామన్ మాట్లాడుతూ విద్య, ఉపాధి, నైపుణ్యం కోసం 1.48 లక్షల కోట్లు ప్రకటించారు. ఈ క్రమంలో దేశీయ విద్యాసంస్థల్లో చదువుకునే విద్యార్థులకు ఉన్నత విద్య కోసం 10 లక్షల రూపాయల వరకు రుణ సౌకర్యం కల్పిస్తామని ఆమె పేర్కొన్నారు.

3 శాతం వడ్డీ రాయితీ

అదనంగా ప్రభుత్వం రుణ మొత్తంలో 3 శాతం వడ్డీ రాయితీతో ప్రతి సంవత్సరం 1 లక్ష మంది విద్యార్థులకు నేరుగా ఇ-వోచర్లను అందిస్తామన్నారు. 1,000 వరకు ITIలు హబ్ స్పోక్ మోడల్‌లో అప్‌గ్రేడ్ చేయబడతాయన్నారు. 7.5 లక్షల రూపాయల వరకు రుణాలను అందించడానికి ప్రభుత్వం మోడల్ స్కిల్లింగ్ లోన్ పథకాన్ని కూడా సవరించనుంది. అంతేకాకుండా రాష్ట్రాలు, పరిశ్రమల సహకారంతో స్కిల్ డెవలప్‌మెంట్ కోసం కొత్త కేంద్ర ప్రాయోజిత పథకం ద్వారా 5 సంవత్సరాలలో 20 లక్షల మంది యువతకు నైపుణ్యం కల్పించే లక్ష్యంతో పనిచేయనున్నట్లు వెల్లడించారు.

కోటి మంది విద్యార్థులకు

రాబోయే ఐదేళ్లలో కోటి మంది విద్యార్థులకు ఇంటర్న్‌షిప్ అవకాశాలను అందించే పథకాన్ని కూడా ప్రభుత్వం ప్రారంభించనుంది. ఈ ఇంటర్న్‌షిప్‌లు టాప్ 100 కంపెనీలలో అందించబడతాయి. ప్రతి విద్యార్థికి నెలకు రూ. 5,000 ఇంటర్న్‌షిప్ అలవెన్స్ అందుతుంది. 6,000 రూపాయల సహాయంతో పాటు ఈ పథకంలో పాల్గొనే కంపెనీలు తమ కార్పొరేట్ సామాజిక బాధ్యత (CSR) కార్యక్రమాల నుంచి వచ్చే నిధులను ఉపయోగించి శిక్షణ ఖర్చులు, 10% ఇంటర్న్‌షిప్ ఖర్చులను భరిస్తాయని మంత్రి తెలిపారు. వర్క్‌ఫోర్స్‌లో మహిళల భాగస్వామ్యాన్ని ప్రోత్సహించడానికి ప్రభుత్వం వర్కింగ్ ఉమెన్ హాస్టళ్లను కూడా ఏర్పాటు చేస్తుందన్నారు.

ఇవి కూడా చదవండి:

Budget 2024: బడ్జెట్ 2024లో ముద్ర లోన్స్ రుణ పరిమితి రూ.20 లక్షలకు పెంపు

Budget 2024-25: బడ్జెట్ 2024-25ను సమర్పించిన ఆర్థిక మంత్రి నిర్మలా సీతారామన్

Stock Market: బడ్జెట్ ఎఫెక్ట్.. ఆ షేర్లన్నీ ఢమాల్..

Read More Business News and Latest Telugu News