Nitish Kumar Reddy: కెప్టెన్‌ను మోసం చేసిన నితీష్.. మనోడే అని నమ్మితే..
ABN , Publish Date - Nov 22 , 2024 | 07:42 PM
Nitish Kumar Reddy: తెలుగు తేజం నితీష్ కుమార్ రెడ్డి పెర్త్ టెస్ట్‌లో చెలరేగిపోయాడు. అటాకింగ్ అప్రోచ్‌తో కంగారూ బౌలర్లను భయపెట్టాడు. అయితే అతడు కెప్టెన్‌ను మోసం చేయడం ఇప్పుడు చర్చనీయాంశంగా మారింది.
IND vs AUS: తెలుగు తేజం నితీష్ కుమార్ రెడ్డి పెర్త్ టెస్ట్‌లో చెలరేగిపోయాడు. అటాకింగ్ అప్రోచ్‌తో కంగారూ బౌలర్లను భయపెట్టాడు. సాలిడ్ డిఫెన్స్‌తో వికెట్లు పడకుండా అడ్డుకోవడమే గాక అవసరమైన సమయంలో దూకుడుగా ఆడి స్కోరు బోర్డును పరుగులు పెట్టించాడు. మొత్తంగా 59 బంతుల్లో 6 బౌండరీలు, 1 సిక్స్ సాయంతో 41 పరుగులు చేశాడు. స్టార్ వికెట్ కీపర్ రిషబ్ పంత్ (37)తో కలసి ఏడో వికెట్‌కు విలువైన 48 పరుగులు జోడించాడు. ఈ పార్ట్‌నర్‌షిప్ లేకపోతే భారత్ వంద పరుగుల్లోపే చాప చుట్టేసేది. అయితే సూపర్బ్ నాక్‌తో ప్రశంసలు అందుకుంటన్న నితీష్.. కెప్టెన్‌ను మోసం చేయడం ఇప్పుడు చర్చనీయాంశంగా మారింది. అసలు అతడు ఏం చేశాడు అనేది ఇప్పుడు చూద్దాం..
కసిగా కొట్టాడు..
పెర్త్ టెస్ట్‌లో ఆసీస్ బౌలర్లను కంగారెత్తించాడు నితీష్ రెడ్డి. 73 పరుగులకు 6 వికెట్లు నష్టపోయి టీమిండియా తీవ్ర కష్టాల్లో ఉన్న సమయంలో క్రీజులోకి వచ్చిన తెలుగు తేజం.. దుర్భేద్యమైన డిఫెన్స్‌తో వికెట్లకు అడ్డుగా నిలిచాడు. ఒక్కసారి క్రీజులో కుదురుకున్నాక తన మార్క్ షాట్లతో చెలరేగాడు. వెటరన్ స్పిన్నర్ నాథన్ లియాన్ బౌలింగ్‌లో రివర్స్ స్వీప్‌తో అందర్నీ షాక్‌కు గురిచేశాడతను. తన మాదిరిగా డిఫరెంట్ షాట్స్ ఆడుతుండటంతో అవతలి ఎండ్‌లో ఉన్న పంత్ కూడా ఆశ్చర్యపోయాడు. ఇలాగే ఆడమని ప్రోత్సహించాడు. దీంతో ఆసీస్ సారథి ప్యాట్ కమిన్స్ బౌలింగ్‌లో పదునైన బౌన్సర్‌ను కీపర్ తల మీదుగా అప్పర్ కట్‌తో సిక్స్‌కు తరలించాడు. ఇది చూసిన నెటిజన్స్.. కమిన్స్‌కు నితీష్ మోసం చేశాడని అంటున్నారు.
ఆ సాయాన్ని మరిచి..
మనోడు అని నమ్మితే కమిన్స్‌కు నితీష్ వెన్నుపోటు పొడిచాడని నెటిజన్స్ ఫన్నీ కామెంట్స్ చేస్తున్నారు. పిలిచి అవకాశం ఇస్తే ఇలాగేనా చేసేది అని జోక్స్ వేస్తున్నారు. ఐపీఎల్‌లో సన్‌రైజర్స్ హైదరాబాద్ జట్టుకు కమిన్స్-నితీష్ కలసి ఆడతారనేది తెలిసిందే. ఈ సీజన్‌లో నితీష్ వెలుగులోకి రావడంలో కమిన్స్ పాత్ర ఉంది. ఎస్‌ఆర్‌హెచ్ కెప్టెన్సీ పగ్గాలు చేపట్టిన కమిన్స్.. నితీష్ ట్యాలెంట్‌ను పసిగట్టి వరుస అవకాశాలు ఇచ్చాడు. దీంతో తెలుగోడు చెలరేగి ఆడాడు. ఎమర్జింగ్ ప్లేయర్ ఆఫ్ ది ఇయర్ అవార్డును కూడా అందుకున్నాడు. ఆ తర్వాత భారత జట్టులో ఆడే అవకాశం దక్కించుకున్నాడు. తన ఎదుగుదలలో కీలక పాత్ర పోషించిన కమిన్స్‌ను ఇవాళ నితీష్ దంచికొట్టాడు. కనికరం లేకుండా అతడి బౌలింగ్‌లో భారీ షాట్లు బాదడంతో తన ఐపీఎల్ కెప్టెన్‌ను నితీష్ మోసం చేశాడని నెటిజన్స్ ఫన్నీ కామెంట్స్ చేస్తున్నారు.
Also Read:
గంభీర్ మాటలతో నెత్తురు మరిగింది.. అందుకే విరుచుకుపడ్డాం: నితీష్ రెడ్డి
72 ఏళ్ల తర్వాత ఇదే తొలిసారి.. పెర్త్ టెస్ట్‌లో అరుదైన రికార్డు
ఆసీస్ బెండు తీసిన తెలుగోడు.. చేజారిన మ్యాచ్‌ను నిలబెట్టాడు
For More Sports And Telugu News
