TRAI: ఇకపై ఫోన్ స్క్రీన్‌పై కాల్ చేసిన వ్యక్తి పేరు.. ట్రాయ్ ఆదేశం

మీకు తెలియని వ్యక్తి ఫోన్ నంబర్(phone number) నుంచి కాల్స్ వస్తు్న్నాయా. ఆ క్రమంలో ఆ నంబర్ ఎవరిదో తెలుసుకోవడానికి మీరు థర్డ్ పార్టీ యాప్స్ ఉపయోగిస్తున్నారా. ఇక నుంచి అలాంటి యాప్స్ ఉపయోగించాల్సిన పనిలేదు. ఎందుకంటే టెలికాం రెగ్యులేటరీ అథారిటీ ఆఫ్ ఇండియా (TRAI) ఆ సమస్యలన్నింటినీ పరిష్కరించే ఉత్తర్వును జారీ చేసింది. ఒకరి మొబైల్‌కి కాల్ చేసిన తర్వాత, కాల్ చేసిన వ్యక్తి పేరు కూడా కనిపించేలా సౌకర్యాన్ని కల్పించాలని TRAI అన్ని టెలికాం కంపెనీలను ఆదేశించింది. ప్రతి మొబైల్ కాల్‌కు అన్ని ఫోన్‌లలో కాలింగ్ నేమ్ ప్రెజెంటేషన్(display) ఫీచర్‌ను ప్రారంభించాలని TRAI తెలిపింది. ఈ సౌకర్యం ట్రయల్ విధానంలో ఈ నెలలోనే దేశంలోని ఓ రాష్ట్రంలో ప్రారంభమవుతుంది. ఆ తర్వాత దేశమంతటా అమల్లోకి రానుంది.

ప్రస్తుతం మొబైల్ ఫోన్‌లో కాల్ వస్తే కాలింగ్ స్క్రీన్‌పై(screen) మొబైల్‌లో ఎవరి పేరు సేవ్ చేయబడిందో వారి పేరు మాత్రమే కనిపిస్తుంది. మీరు నంబర్‌ను సేవ్ చేయకపోతే, అంటే తెలియని నంబర్ నుంచి కాల్ వస్తే, మొబైల్ స్క్రీన్‌పై నంబర్ మాత్రమే కనిపిస్తుంది. ట్రూ కాలర్(truecaller) వంటి కొన్ని థర్డ్ పార్టీ యాప్‌ల ద్వారా తెలియని నంబర్ డేటాను శోధించి, మొబైల్ స్క్రీన్‌పై దాని పేరును చూపుతాయి. కొన్ని ఫోన్ నంబర్లు అయితే థర్డ్ పార్టీ యాప్స్ లలో కూడా వారి పేర్లను చూపించవు. కానీ ఇప్పుడు అలాంటి ఇబ్బందులు తొలగిపోనున్నాయి.

థర్డ్ పార్టీ యాప్‌లను ఉపయోగించడంలో మొబైల్ వినియోగదారులకు ప్రమాదం ఏమిటంటే వారి ప్రైవేట్ డేటా లీక్ అవుతుంది. నిజానికి ఇన్‌స్టాల్ చేసినప్పుడు థర్డ్ పార్టీ యాప్‌లు మొబైల్‌లోని కాంటాక్ట్ లిస్ట్ (ఫోన్ డైరెక్టరీ), మెసేజ్‌లు, కెమెరా, మైక్రోఫోన్, ఫోటోలు మొదలైన అనేక ఫీచర్లను యూజర్‌కు తెలియకుండా ఉపయోగించడానికి పర్మిషన్ అడుగుతాయి. ఈ అనుమతి లేకుండా ఈ యాప్‌లు పని చేయవు. కానీ పర్మిషన్ ఇస్తే మీ వ్యక్తిగత డేటా లీక్ అయ్యే ప్రమాదం ఉంది.

TRAI అన్ని టెలికాం కంపెనీలను తమ మొబైల్ నెట్‌వర్క్‌లలో కాలింగ్ నేమ్ ప్రెజెంటేషన్ ఫీచర్‌ను రూపొందించాలని ఆదేశించింది. ఈ ఫీచర్ రోల్ అవుట్ తర్వాత కాలర్ పేరు స్వయంచాలకంగా మొబైల్ స్క్రీన్‌పై కనిపిస్తుంది. అంటే మీరు దీని కోసం మీ ఫోన్‌లో ఇతర యాప్‌లను ఇన్‌స్టాల్ చేయవలసిన అవసరం లేదు. ఈ కొత్త ఫీచర్ ట్రయల్ ఈ నెల నుంచి ప్రారంభం కానుంది. ఇందుకోసం హర్యానాను టెస్టింగ్ సర్కిల్‌గా ఎంపిక చేశారు. అంటే హర్యానాలోని ఏదైనా మొబైల్‌కు కాల్ వచ్చిన తర్వాత ఎదురుగా ఉన్న వ్యక్తి పేరు రావడం ప్రారంభమవుతుంది. ఈ ప్రయోగం హర్యానాలో విజయవంతమైతే, ఇది దేశవ్యాప్తంగా అమల్లోకి రానుంది.

ఇది కూడా చదవండి:

Smart Phone: మీరు మీ స్మార్ట్‌ఫోన్‌పై ఎంత టైం స్పెండ్ చేస్తున్నారు.. ఇలా తెలుసుకోండి

Smartwatch: 87 డిస్కౌంట్‌తో ఫైర్ బోల్ట్ స్మార్ట్‌వాచ్..ఫీచర్లు చుశారా

Read Latest Technology News and Telugu News