Chandrababu: బాబాయ్ హత్యపై జగన్ సమాధానం చెప్పలేకపోయారు
ABN , First Publish Date - 2022-11-09T19:31:30+05:30 IST
బాబాయ్ హత్య కేసులో ముఖ్యమంత్రే దోషులను కాపాడడం పులివెందుల ప్రజలకు మింగుడు పడడం లేదని చంద్రబాబు విమర్శించారు.
అమరావతి: నియోజకవర్గ ఇన్‌చార్జ్‌లతో టీడీపీ అధినేత నారా చంద్రబాబునాయుడు (Chandrababunaidu) సమావేశమయ్యారు. నేటీతో 126 నియోజకవర్గాల ఇన్‌చార్జ్‌లతో చంద్రబాబు సమీక్షలు ముగిశాయి. వైసీపీ పాలనా తీరు, విద్వేష రాజకీయాలతో తనను ఎన్నుకున్న పులివెందులకూ జగన్ (Jagan) చెడ్డపేరు తెచ్చారని చంద్రబాబు విమర్శించారు. రివర్స్ పాలనతో పులివెందులలోనే వ్యతిరేకత తెచ్చుకున్నారని చంద్రబాబు మండిపడ్డారు. బాబాయ్ హత్యకు సమాధానం చెప్పలేకపోయారని చంద్రబాబు అన్నారు. బాబాయ్ హత్య కేసులో ముఖ్యమంత్రే దోషులను కాపాడడం పులివెందుల ప్రజలకు మింగుడు పడడం లేదని చంద్రబాబు విమర్శించారు.
