Nara Lokesh: జగన్‌రెడ్డి పాలనలో ఆ నలుగురు మాత్రమే బాగుపడ్డారు

గుంటూరు: ఏపీ ముఖ్యమంత్రి వైఎస్ జగన్ మోహన్ రెడ్డి (YS Jagan Mohan Reddy)పై టీడీపీ మాజీ మంత్రి నారా లోకేష్ (Nara Lokesh) విమర్శలు గుప్పించారు. జగన్‌రెడ్డి ఒక్క అవకాశం అంటూ ప్రజలను మోసం చేశారని, జగన్‌రెడ్డి.. తాడేపల్లి ప్యాలెస్‌ పిల్లి అని నారా లోకేష్‌ ఆగ్రహం వ్యక్తం చేశారు. జగన్‌రెడ్డి సీఎం అయ్యాక ఏపీ పరువుపోయిందని, జగన్‌రెడ్డి పాలనలో నలుగురు రెడ్డిలు మాత్రమే బాగుపడ్డారని, వైవీ సుబ్బారెడ్డి, సజ్జల రామకృష్ణారెడ్డి, సాయిరెడ్డి, పెద్దిరెడ్డే బాగుపడ్డారని లోకేష్ ఆరోపించారు. అన్నివర్గాలను సమానంగా చూసే పార్టీ టీడీపీ అని నారా లోకేష్‌ అన్నారు. తాడేపల్లిలో గంజాయి మాఫియా చెలరేగిపోతోందని, ప్రాంతీయ విద్వేషాలు రెచ్చగొట్టి లబ్ధి పొందాలని చూస్తున్నారని లోకేష్ విమర్శించారు. వైసీపీ కుట్రలను ప్రజలు తిప్పికొట్టాలని నారా లోకేష్‌ పిలుపునిచ్చారు.