CM Jagan : నేటి సాయంత్రం ఢిల్లీకి జగన్.. ఎందుకీ సడెన్ టూర్?

ఢిల్లీ : నేటి సాయంత్రం ఢిల్లీకి ఏపీ సీఎం జగన్మోహన్‌రెడ్డి (AP Chief Minister YS Jaganmohan Reddy) ఢిల్లీకి వెళ్లనున్నారు. ఒకవైపు ఏపీ బడ్జెట్ సమావేశాలు జరుగుతున్న తరుణంలో జగన్ సడెన్‌గా హస్తిన టూర్ ప్రోగ్రాం ఫిక్స్ చేయడం వెనుక కారణమేంటనేది సస్పెన్స్‌గా మారింది. రేపు ప్రధాని మోదీ, హోమంత్రి అమిత్ షాలతో భేటీ అయ్యే అవకాశం ఉంది. అయితే కనీసం బడ్జెట్ సమావేశాలు సైతం ముగియక ముందే.. అసెంబ్లీ జరుగుతుండగానే జగన్ ఎందుకు టూర్ ప్రోగ్రాం ఫిక్స్ చేసుకున్నారనేది ఏపీలో చర్చనీయాంశంగా మారింది.

కోడికత్తి కేసులో విచారణకు హాజరుకావాలని ఏపీ సీఎం వైఎస్ జగన్‌మోహన్ రెడ్డికి ఎన్‌ఐఏ కోర్టు (NIA court) ఆదేశాలు జారీ చేసింది. ఏప్రిల్‌ 10న విచారణకు హాజరుకావాలని విజయవాడ ఎన్‌ఐఏ కోర్టు స్పష్టం చేసింది. సీఎంతో పాటు పీఏ నాగేశ్వరరెడ్డి కూడా హాజరుకావాలని కోర్టు ఆదేశాలు ఇచ్చింది. మొన్న కోర్టు ఈ ఆదేశాలు జారీ చేసింది. నేడు ఆర్థిక మంత్రి ఏపీ బడ్జెట్‌‌ను ప్రవేశపెట్టారు. ఈ బడ్జెట్ సమావేశం అయ్యేంత వరకూ ఉండి వెంటనే నేటి సాయంత్రం ఫ్లైట్‌కు ఆయన ఢిల్లీ వెళ్లేందుకు సన్నాహాలు చేసుకోవడం ఆసక్తికరంగా మారింది. కోడి కత్తి కేసు విచారణ నేపథ్యంలోనే సడెన్‌గా జగన్ హస్తినకు పయనమవ్వనున్నారనే చర్చ నడుస్తోంది.