JAGAN: రాజమండ్రిలో సీఎం జగన్ పర్యటన.. ట్రాఫిక్ ఆంక్షలు
ABN , First Publish Date - 2023-01-01T21:02:23+05:30 IST
ఈ నెల 3న రాజమండ్రి (Rajahmundry)లో ఏపీ సీఎం జగన్ (JAGAN) పర్యటించనున్నారు.
తూర్పుగోదావరి జిల్లా: ఈ నెల 3న రాజమండ్రి (Rajahmundry)లో ఏపీ సీఎం జగన్ (JAGAN) పర్యటించనున్నారు. సీఎం జగన్ రోడ్ షో (Jagan Road Show)లో పాల్గొని, బహిరంగ సభలో మాట్లాడనున్నారు. జగన్ పర్యటన నేపథ్యంలో రాజమండ్రిలో పోలీసులు ట్రాఫిక్ ఆంక్షలు విధించారు. జగన్ పర్యటన నేపథ్యంలో మూడో తేదీ ఉదయం 7 గంటల నుంచి రాజమండ్రిలో బస్సులను పలు రూట్లలో మళ్లించనున్నారు. స్టేడియం రోడ్, వై-జంక్షన్ నుంచి జాతీయరహదారి మీదుగా బస్సులను మళ్లించనున్నారు. మున్సిపల్ స్టేడియం, ఆర్ట్స్ కాలేజీ చుట్టుపక్కల రోడ్లలో ట్రాఫిక్ మళ్లింపు ఉంటుందని పోలీసులు తెలిపారు. రోడ్ షో మార్గంలో యధావిధిగా దుకాణాలు, వ్యాపారాలు కొనసాగనున్నాయి. పేలుడు పదార్థాలు ఉండే దుకాణాలు మాత్రం మూసివేయాలని పోలీసులు ఆదేశాలు ఇచ్చారు.
