BRS: ఖమ్మం సభ ద్వారా ఏం చెప్పదలుచుకున్నారు..
ABN , First Publish Date - 2023-01-18T15:19:37+05:30 IST
దేశంలోనే అత్యంత అవినీతిపరులైన సీఎం కేసీఆర్‌కు మద్దతిచ్చి.. ఖమ్మం సభ ద్వారా ఏం చెప్పదలుచుకున్నారని బీజేపీ నేత విజయశాంతి ప్రశ్నించారు. సోషల్ మీడియా వేదికగా సీఎం కేసీఆర్‌పై విజయశాంతి పలు విమర్శలు చేశారు.
హైదరాబాద్: దేశంలోనే అత్యంత అవినీతిపరులైన సీఎం కేసీఆర్‌కు (CM KCR) మద్దతిచ్చి.. ఖమ్మం సభ ద్వారా ఏం చెప్పదలుచుకున్నారని బీజేపీ నేత విజయశాంతి ప్రశ్నించారు. సోషల్ మీడియా వేదికగా సీఎం కేసీఆర్‌పై విజయశాంతి (Vijayashanthi) పలు విమర్శలు చేశారు. అవి ఆమె మాటల్లోనే..
‘‘దేశంలోనే అత్యంత అవినీతిపరులైన సీఎం కేసీఆర్ గారికి... వామపక్ష పార్టీలు, ఆమ్ ఆద్మీ పార్టీ అని చెప్పుకొనేవారు మద్దతిచ్చి, నేటి ఖమ్మం సభలో ప్రజలకు ఏం చెప్పదలుచుకున్నారో వారికే తెలియాలి. అయినా ఈ లిక్కర్ స్కాంల, లిక్కర్ స్కీంల తెలంగాణ, ఢిల్లీ, పంజాబ్ సీఎంలతో కమ్యూనిస్ట్‌లు ఎందుకో అవసరం లేని సయోధ్య, తమ సిద్ధాంతాలకు దూరమై కనపరుస్తున్నారని అనిపిస్తున్నది’’.. అని విజయశాంతి పేర్కొన్నారు.
