Kadapa: అసమ్మతి నేతలను బెదిరిస్తున్న వైసీపీ ఎమ్మెల్యే..
ABN , Publish Date - Feb 20 , 2024 | 04:08 PM
వైసీపీలో ఏళ్లుగా అసంతృప్తితో ఉంటూ.. బయటకి రావాలనుకుంటున్న కొందరు నేతలను వైసీపీ ఎమ్మెల్యే బెదిరించడం నివ్వెరపరుస్తోంది. కడప జిల్లా ప్రొద్దుటూరు వైసీపీ ఎమ్మెల్యే రాచమల్లు శివప్రసాద్ రెడ్డిపై స్థానిక నేతలు తీవ్ర అసంతృప్తితో ఉన్నారు.
కడప: వైసీపీలో ఏళ్లుగా అసంతృప్తితో ఉంటూ.. బయటకి రావాలనుకుంటున్న కొందరు నేతలను వైసీపీ ఎమ్మెల్యే బెదిరించడం నివ్వెరపరుస్తోంది. కడప జిల్లా ప్రొద్దుటూరు వైసీపీ ఎమ్మెల్యే రాచమల్లు శివప్రసాద్ రెడ్డిపై స్థానిక నేతలు తీవ్ర అసంతృప్తితో ఉన్నారు. అసమ్మతితో వారు టీడీపీలో చేరాలని నిర్ణయించుకున్నారు.
ఈ క్రమంలో ఎమ్మెల్యే జోక్యం చేసుకుని స్థానిక మున్సిపల్ మహిళా కౌన్సిలర్‌పై బెదిరింపులకు దిగారు. తన పదవికి రాజీనామా చేసి ఆ తరువాతే టీడీపీలోకి వెళ్లాలని.. లేదంటే కౌన్సిలర్ అంతు చూస్తానని బెదరించారు. ఇందుకు సంబంధించిన ఆడియో సోషల్ మీడియాలో వైరల్‌గా మారింది. ఎమ్మెల్యే బెదిరింపుల వ్యవహారం చర్చనీయాంశం అవుతోంది.
