Tiger: దర్జాగా రోడ్డు దాటుతూ స్థానికుల కంట పడ్డ పులి
ABN , Publish Date - Nov 29 , 2024 | 08:06 AM
నిర్మల్ జిల్లా ఖానాపూర్ ప్రాంతంలో పెద్ద పులి సంచారం స్థానికంగా కలకలం రేపుతోంది. పులి దర్జాగా రోడ్డు దాటుతూ స్థానికుల కంట పడింది. దీంతో వాహనదారులు పులిని సెల్ ఫోన్లతో ఫోటోలు తీసారు. ఈ క్రమంలో అటవీ అధికారులు దిమ్మదుర్తి సుర్జాపూర్, మాస్కాపూర్, ఎక్బాల్ పూర్ గ్రామాల ప్రజలను అప్రమత్తం చేశారు.
నిర్మల్ జిల్లా: నిర్మల్ జిల్లా (Nirmal Dist.,) ఖానాపూర్ (Khanapur) ప్రాంతంలో పెద్ద పులి (Tiger) సంచారం స్థానికంగా కలకలం రేపుతోంది. పులి దాడి చేసే ప్రమాదం ఉందని.. ప్రజలు అప్రమత్తంగా ఉండాలంటూ సోషల్ మీడియా (Social Media) వేదికగా ప్రచారం చేస్తున్నారు. దీంతో ఆయా ప్రాంతాల్లోని ప్రజలు ఆందోళనకు గురవుతున్నారు. కాగా పులి దర్జాగా రోడ్డు దాటుతూ స్థానికుల కంట పడింది. దీంతో వాహనదారులు పులిని సెల్ ఫోన్లతో ఫోటోలు తీసారు. ఈ క్రమంలో అటవీ అధికారులు (Forest Officers) దిమ్మదుర్తి సుర్జాపూర్, మాస్కాపూర్, ఎక్బాల్ పూర్ గ్రామాల ప్రజలను అప్రమత్తం చేశారు.
కాగా పెద్దపులి సంచారం నేపథ్యంలో ఫారెస్ట్‌ అధికారులు అడవిలో ఏర్పాటు చేసిన కెమెరాల్లో పులి సంచరిస్తున్న దృశ్యాలు రికార్డయ్యాయి. దీంతో ఖానాపూర్ సరిహద్దు అటవీ ప్రాంతాల ప్రజలు అప్రమత్తంగా ఉండాలని అటవీ శాఖ అధికారులు హెచ్చరించారు. ఒంటరిగా ఎవరూ అడవిలోకి వెళ్లొద్దని, సాయంత్రం త్వరగా ఇండ్లకు చేరుకోవాలని సూచించారు. అటవీశాఖ అధికారుల హెచ్చరికతో స్థానిక ప్రజలు భయాందోళనకు గురవుతున్నారు. పెద్ద పులి ఎప్పుడు ఎవరిపై దాడి చేస్తుందేమోనని భయపడుతున్నారు. అటవీ శాఖ అధికారులు స్పందించి పులిని బంధించాలని కోరుతున్నారు.
కాగా సాధారణ ప్రజలకు అడవుల్లో పులులు కనిపించడం అనేది చాలా అరుదు. కానీ, ఈ మధ్యకాలంలో గ్రామాల్లోకి చాలా చోట్ల జనావాసాల్లోకి పులులు వస్తున్నాయి. అలా వస్తున్న పులులు ప్రజలకు హానీ కలిగిస్తున్నాయి. అటువంటి ఘటనలు ఇటీవల అనేకం చోటు చేసుకున్నాయి.
ఉద్యోగుల సంఘం నేత వెంకట్రామి రెడ్డి అరెస్టు
Read Latest AP News and Telugu News
Read Latest Telangana News and National News
Read Latest Chitrajyothy News and Sports News
