Quick Muscle Relief After Workout: వ్యాయామం తరువాత

వ్యాయామం చేసిన తరువాత ఆలసటగా అనిపిస్తూ ఉంటుంది. అంతేకాదు కండరాలు పట్టేసినట్లు నొప్పిగా ఉంటాయి. వీటినుంచి ఉపశమనం పొందేందుకు తీసుకోవాల్సిన ఆహారం గురించి నిపుణులు ఇలా చెబుతున్నారు.

• గుడ్లలో ప్రోటీన్లు, అమైనో ఆమ్లాలు అధికంగా ఉంటాయి. వ్యాయామం తరవాత ఉడికించిన గుడ్లు తింటే కండరాల నొప్పి తగ్గుతుంది

• బాదం, జీడిపప్పు, వాల్‌నట్స్‌ తినడం మంచిది. వీటిలోని ఆరోగ్యకరమైన కొవ్వులు, యాంటీ ఆక్సిడెంట్లు కలిసి శరీరానికి శక్తిని అందిస్తాయి.

• చీజ్‌, చియా గింజలు, అవిసె గింజలతోపాటు సాల్మన్‌, ట్యూనా, మాకెరెల్‌ లాంటి చేపలను ఆహారంలో చేర్చుకుంటే కండరాల వాపు, నొప్పి తగ్గుతాయి. వీటిలోని ఒమేగా-3 ఫ్యాటీ యాసిడ్లు... శరీరానికి మేలు చేస్తాయి.

• అరటి పండు, స్ట్రాబెర్రీ, పైనాపిల్‌ తినడం వల్ల శరీరంలోని కణాలు బలంగా, ఆరోగ్యంగా ఉంటాయి. కండరాలు బలోపేతమవుతాయి.

• వ్యాయామం తరవాత శరీరంలో నీటి శాతం తగ్గుతుంది. దీనిని భర్తీ చేసేందుకు పళ్ల రసాలు, కొబ్బరినీళ్లు, మంచినీళ్లు, పలుచని మజ్జిగ తాగడం మంచిది. కేరట్‌, బీట్‌రూట్‌, టమాటాలతో చేసిన రసం తాగినా మంచి ఫలితం కనిపిస్తుంది.

• మొలకలు, కీరా, కేరట్‌ ముక్కలతోపాటు తాజా పళ్లు తినడం మంచిది.

ఇవి కూడా చదవండి:

800 ఏళ్ల పురాతన శివాలంలో అద్భుతం

Milk: పాలు తాగిన వెంటనే ఇవి తీసుకోంటే.. డేంజర్

Pilot forgets Passport: గగనతలంలో ఉండగా జరిగిన పొరాపాటు గుర్తొచ్చి పైలట్‌కు షాక్.. విమానం యూటర్న్!