Lizard : గోడ మీద బల్లి ఉందా.. తరిమికొట్టేందుకు ఇలా చేయండి..
ABN, Publish Date - Mar 19 , 2025 | 11:59 AM
How to Get Rid Of Lizards From Home : ఇల్లు ఎంత శుభ్రం చేసుకున్నా కిచెన్, బాత్రూం, బెడ్రూం, హాల్ అని తేడా లేకుండా ఎక్కడపడితే అక్కడ తిరుగుతూ చికాకు పెడుతుంటాయి బల్లులు. వీటి దెబ్బకు చాలామంది నిద్రపోవాలంటేనే భయపడతారు. మీ ఇంట్లో నుంచి వీటిని శాశ్వతంగా తరిమేసేందుకు ఈ సింపుల్ హోం చిట్కాలు పాటించండి.
1/6
సైజులో చిన్నగా కనిపించే బల్లలు చాలా విషపూరితం. ఇవి ఇంట్లో ఎక్కడపడితే తిరుగుతూ ఉంటే చూసేందుకు అసహ్యంగానే కాదు. పొరపాటున వంటల్లో పడిపోతుందేమో లేకపోతే మీద పడుతుందేమో అనే భయమూ ఉంటుంది.
2/6
కొందరికి బల్లి పేరు విన్నా, వాటిని ప్రత్యక్షంగా చూసినా ఒళ్లంతా ముచ్చెమటలు పోస్తాయి. భయంతో వణికిపోతారు. దీనినే హెర్పెటోఫోబియా అంటారు. ఇలాంటివారు బల్లి ఇంట్లో ఉందంటే ఒక పట్టాన కుదురుగా కూర్చోలేరు.
3/6
వంటగదిలో బల్లులు తిరుగుతూ ఉంటే ఈ సింపుల్ చిట్కాలు అనుసరించండి. అది తరచూ ఎక్కడ కనిపిస్తుందో అక్కడ ఉల్లిపాయ ముక్కలుగా కోసి ఉంచండి. వీలైతే తీగకు కట్టి వేలాడదీయండి. ఆ ఘాటుకు బల్లి అటువైపుకి రానేరాదు.
4/6
వెల్లుల్లికి కూడా ఉల్లిపాయలాగే ఘాటైన వాసన ఉంటుంది. దీనిని కోసి తలుపులు, కిటీకీల మధ్యగా ఉంచితే బల్లులు వాటిమధ్యగా తిరగవు లేదా వెల్లుల్లి ముద్దను నీళ్లలో కలిపి ఇంట్లో స్ప్రే చేసినా బల్లుల బాధ తప్పుతుంది.
5/6
పెప్పర్ స్ప్రే ఘాటు కూడా ఇంట్లో ఉన్న బల్లులను తరిమేస్తుంది. దీన్ని మార్కెట్లో అయినా కొనుక్కోండి లేదా ఇంట్లోనే కాసిన్ని మిరియాలను పొడి చేసి వాటిని నీటిలో కలిపి స్ప్రే చేసినా ఫలితం కనిపిస్తుంది.
6/6
ఇంట్లో బల్లులు తిరిగే ప్రదేశాల్లో చిల్లీ స్ప్రే చల్లినా అవి అక్కడ నుంచి పారిపోతాయి. ఇందులోని ఘాటైన వాసనలే బల్లులన్ని ఇంట్లోకి రాకుండా నిరోధిస్తాయి.
Updated at - Mar 19 , 2025 | 12:15 PM
