Heatwave Alert: ఏపీలో దంచికొడుతున్న ఎండలు.. భానుడి భగభగలతో జనం బెంబేలు
ABN, Publish Date - Mar 22 , 2025 | 07:11 PM
ఆంధ్రప్రదేశ్ రాష్ట్రంలోని శ్రీకాకుళం జిల్లాలో భానుడు నిప్పులు కురిపిస్తున్నాడు. ప్రజలు ఎండ వేడిమితో ఇబ్బంది పడుతున్నారు. క్రయవిక్రయదారులు లేక మార్కెట్లు వెలవెలబోతున్నాయి. ఉదయం నుంచే భానుడు ప్రతాపాన్ని చూపుతుండటంతో ప్రజలు ఇళ్లకే పరిమితమవుతున్నారు.
1/6
దంచి కొడుతున్న ఎండలతో శ్రీకాకుళం జిల్లా కేంద్రంతోపాటు మండల కేంద్రాల్లో మధ్యాహ్నం వేళ కర్ఫ్యూ వాతావరణం కనిపిస్తోంది. ఎప్పుడూ రద్దీగా ఉండే ప్రాంతాలు నిర్మానుష్యంగా మారాయి.
2/6
ఉదయం పది గంటల తర్వాత ఇళ్లలో నుంచి కాలు బయటపెట్టడానికి ప్రజలు భయపడిపోతున్నారు. శ్రీకాకుళం జిల్లాలో ఉష్ణోగ్రత 40 డిగ్రీలకు పైగా నమోదవుతుండటంతో ప్రజలు వేడిగాలులతో నరకయాతన పడుతున్నారు.
3/6
ఇంట్లో ఉన్నా ఉక్కపోతతో ఉక్కిరి..బిక్కిరి అవుతున్నారు. ఎండ తీవ్రతకు తట్టుకోలేక జిల్లాలో వడదెబ్బ బారిన పడుతున్నారు. ఎండ తీవ్రతకు వృద్ధులు అస్వస్థతకు గురవుతున్నారు.
4/6
మార్చి రెండో వారం నుంచే జనం ఎండ నుంచి రక్షణ పొందడానికి గొడుగులు వాడాల్సిన పరిస్థితి నెలకొంది. ఎండలతో జనం ఉక్కిరి బిక్కిరి అవుతున్నారు.
5/6
క్రయవిక్రయదారులు లేక మార్కెట్లు వెలవెలబోతున్నాయి. ఉదయం నుంచే భానుడు ప్రతాపాన్ని చూపుతుండటంతో ప్రజలు ఇళ్లకే పరిమితమవుతున్నారు.
6/6
ఎండల కారణంగా మార్కెట్లకు కొనుగోలుదారులు రావడానికి జంకుతున్నారు. మార్కెట్లకు ప్రజలు రాకపోవంతో వ్యాపారాలు సరిగా సాగడం లేదని వ్యాపారులు వాపోతున్నారు. దీంతో నష్టాల పాలవుతున్నామని వ్యాపారులు ఆందోళన చెందుతున్నారు.
Updated at - Mar 22 , 2025 | 07:15 PM
