Team India: బ్రిటిష్ జట్టుపై భారత్ గ్రాండ్ విక్టరీ.. ఈ ఆటగాళ్లు కీలక పాత్ర

టీ20 సిరీస్ తర్వాత, ఇంగ్లండ్‌(England)తో జరిగిన వన్డే సిరీస్‌ను కూడా టీం ఇండియా (team india) బలంగా ప్రారంభించింది. ఛాంపియన్స్ ట్రోఫీకి ముందు, నాగ్‌పూర్‌లో ఇంగ్లండ్‌తో జరిగిన వన్డే సిరీస్‌లోని మొదటి మ్యాచ్‌లో టీమ్ ఇండియా ఘన విజయం సాధించింది. 4 వికెట్ల తేడాతో సులభంగా గెలుచుకుంది. ఈ మ్యాచ్‌లో రవీంద్ర జడేజా, హర్షిత్ రాణాలు అద్భుతమైన బౌలింగ్ చేసి ఇంగ్లాండ్‌ జట్టు పరుగులను 248కి పరిమితం చేయడంలో కీలక పాత్ర పోషించారు. ఇక బ్యాటింగ్ విషయంలో శుభ్‌మాన్ గిల్, శ్రేయాస్ అయ్యర్, అక్షర్ పటేల్ అర్ధ సెంచరీలు చేసి అదరగొట్టారు. దీంతో టీం ఇండియా 38 ఓవర్లలోనే విజయం సాధించింది.

మొదట మంచి ఆరంభం..

ఈ మ్యాచ్‌లో భారత జట్టు మొదట బౌలింగ్ చేసింది. మహమ్మద్ షమీ మొదట మంచి ఆరంభాన్ని ఇచ్చాడు. కానీ వన్డేల్లో అరంగేట్రం చేస్తున్న హర్షిత్ రాణాపై బ్రిటిష్ ఓపెనర్లు దాడి చేశారు. ఫిల్ సాల్ట్ (43) రనౌట్ అయ్యే సమయానికి కేవలం తొమ్మిది ఓవర్లలోనే ఇద్దరు కలిసి 75 పరుగులు రాబట్టారు. అక్కడి నుంచి ఇంగ్లండ్ జట్టు జోరు క్రమంగా తగ్గింది. ఇందులో హర్షిత్ కీలక పాత్ర పోషించాడు. మొదట బెన్ డకెట్ (32), తర్వాత హ్యారీ బ్రూక్ (0) వికెట్లను పడగొట్టాడు. అదే సమయంలో రవీంద్ర జడేజా జో రూట్ (19)ను పడగొట్టాడు.

చివరకు మాత్రం..

ఆ క్రమంలో మిడిల్ ఆర్డర్‌లో వచ్చిన కెప్టెన్ జోస్ బట్లర్, యువ ఆల్ రౌండర్ జాకబ్ బెథెల్ మంచి స్టాండ్ ఇచ్చారు. బట్లర్ (52) అర్ధ సెంచరీ చేసి ఔటైన తర్వాత, బెథెల్ (51) పరుగులతో జట్టును 200 స్కోర్ దాటించి జడేజాకు బాధితుడు అయ్యాడు. చివరికి జోఫ్రా ఆర్చర్ (21) కీలక షాట్లు కొట్టి జట్టును మొత్తం 248 స్కోర్‌కి తీసుకెళ్లడంలో కీలక పాత్ర పోషించాడు. ఈ క్రమంలో భారత బౌలర్లైన హర్షిత్, జడేజా చెరో 3 వికెట్లు పడగొట్టగా, షమీ, అక్షర్, కుల్దీప్ యాదవ్ తలో వికెట్ పడగొట్టారు.

టీం ఇండియా బ్యాటింగ్..

ఇక భారత్ బ్యాటింగ్ విషయానికి వస్తే అందరి దృష్టి యశస్వి జైస్వాల్ పైనే ఉంది. కానీ జైస్వాల్ 15 పరుగులు మాత్రమే చేసి ఔటయ్యాడు. ఆ తర్వాత కొద్ది సేపటికే కెప్టెన్ రోహిత్ శర్మ 2 రన్స్ చేసి నిరాశపరిచాడు. కానీ ఆ తర్వాత వచ్చిన శ్రేయాస్ అయ్యర్ (59), శుభ్‌మాన్ గిల్ (87) బలమైన ఇన్నింగ్స్‌ ఆడారు.

30 బంతుల్లోనే..

అయ్యర్ కేవలం 30 బంతుల్లోనే అర్ధ సెంచరీ సాధించాడు. కానీ తన ఇన్నింగ్స్‌ను పెద్ద స్కోరుగా మార్చుకోలేకపోయాడు. ఈ అవుట్ తర్వాత అక్షర్ 52 పరుగులు చేసి మంచి ఛాన్స్ తీసుకున్నాడు. ఆ క్రమంలో గిల్‌తో కలిసి అక్షర్ 108 పరుగుల సపోర్ట్ అందించాడు. ఆ తర్వాత వచ్చిన రాహుల్ 2, హార్దిక్ పాండ్యా 9, రవీంద్ర జడేజా 12 పరుగులు చేసి భారత్ విజయంలో కీలక పాత్ర పోషించారు.

ఇవి కూడా చదవండి:

Narendra Modi: పాయింట్ టు పాయింట్.. పట్టపగలే కాంగ్రెస్‌కు చుక్కలు చూపించిన మోదీ

8th Pay Commission: ప్యూన్ నుంచి ఆఫీసర్ జీతాలు ఎలా పెరుగుతాయంటే.. నెలకు లక్షకుపైగా

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

RBI Report: దేశంలో క్రెడిట్, డెబిట్ కార్డులు ఎన్ని ఉన్నాయంటే.. వీటి వాడకంలో

IRCTC: తక్కువ ధరలకే కుంభమేళా టూర్ ప్యాకేజీ.. ఇలా బుక్ చేసుకోండి మరి..

Read More Business News and Latest Telugu News