Amarnath: పిల్లలందిరికీ చిల్డ్రెన్స్ డే శుభాకాంక్షలు

విశాఖపట్నం: చిల్డ్రెన్స్ డే (Childrens day)సందర్భంగా పిల్లలందరికీ మంత్రి గుడివాడ అమర్నాథ్ (Gudivada Amarnath) శుభాకాంక్షలు తెలిపారు. చిరిగిన చొక్కా అయిన వేసుకో కానీ.. మంచి పుస్తకం కొనుక్కో అని కందుకూరి వీరేశలింగం చెప్పారంటే..పుస్తకానికి అంత విలువ ఉందన్నారు. జిల్లాలో గ్రంధాలయాలకు పూర్వ వైభవం తెచ్చేందుకు ప్రయత్నం చేస్తున్నామని తెలిపారు. జగదాంబ జంక్షన్ సమీపంలో ఆధునిక జిల్లా గ్రంథాలయం నిర్మాణానికి సన్నాహాలు జరుగుతున్నాయన్నారు. రాష్ట్రంలో పిల్లలకు మంచి భవిష్యత్తును ఇవ్వడానికి సీఎం జగన్ (AP CM Jagan mohan reddy)కృషి చేస్తున్నారని వెల్లడించారు. రాష్ట్రంలో కార్పొరేట్ స్కూల్స్‌కు దీటుగా ప్రభుత్వ పాఠశాలలను అభివృద్ధి చేస్తున్నామని అన్నారు. పిల్లలే దేశానికి భవిష్యత్తు అని మంత్రి అమర్నాథ్ (AP Minister) తెలిపారు.