Governor: హస్తిన వెళ్లిన గవర్నర్‌
ABN , First Publish Date - 2023-09-03T08:35:27+05:30 IST
రాష్ట్ర గవర్నర్‌ ఆర్‌.ఎన్‌.రవి(Governor RN Ravi) శనివారం ఉన్నట్టుండి ఢిల్లీకి బయలుదేరి వెళ్ళారు. ఉదయం 10 గంటల సమయంలో
అడయార్‌(చెన్నై): రాష్ట్ర గవర్నర్‌ ఆర్‌.ఎన్‌.రవి(Governor RN Ravi) శనివారం ఉన్నట్టుండి ఢిల్లీకి బయలుదేరి వెళ్ళారు. ఉదయం 10 గంటల సమయంలో ఎయిర్‌ ఇండియా విమానం(Air India flight) ద్వారా ఆయన హస్తినకు బయలుదేరి వెళ్ళగా, ఆయన వెంట ప్రత్యేక కార్యదర్శి, అసిస్టెంట్‌, భద్రతా అధికారి ఉన్నారు. ఢిల్లీలో శనివారం రాత్రికి ఉండే ఆయన... ఆదివారం సాయంత్రం 4.20 గంటలకు ఢిల్లీ నుంచి చెన్నైకు విస్తారా విమానంలో రానున్నారు. ఆయన ఢిల్లీ టూర్‌ పూర్తిగా వ్యక్తిగతమైనదిగా భావిస్తున్నారు. అయితే, నీట్‌ ప్రవేశ పరీక్ష రద్దుతో పాటు అనేక అంశాల విషయంలో రాష్ట్రప్రభుత్వానికి, గవర్నర్‌కు మధ్య విభేదాలు తారస్థాయికి చేరుకున్న విషయం తెల్సిందే. అలాగే, మాజీ డీజీపీ శైలేంద్రబాబుకు టీఎన్‌పీఎస్సీ పదవి ఇచ్చే విషయంపై ప్రభుత్వం పంపిన ఫైలుపై కూడా గవర్నర్‌ సంతకం చేయకుండా, కొన్ని సందేహాలు లేవనెత్తుతూ వెనక్కి తిప్పి పంపారు. ఈ పరిస్థితుల్లో గవర్నర్‌ ఢిల్లీ పర్యటనకు ప్రాధాన్యం సంతరించుకుంది.
