Leopard Sitting On Road Video: రోజురోజుకు అడవులు తరిగిపోతుంటే.. అక్కడ ఉండే జంతువులకు ఆవాసం లేకుండా పోతోంది. దాంతో అవి అటవీ ప్రాంతాల నుంచి జనవాసాల్లోకి వచ్చేస్తున్నాయి. వాటిలో క్రూర జంతువులైన పులులు, సింహాలు, ఎలుగు బంట్లు కూడా ఉంటున్నాయి. ఇవి జనవాసాల్లోకి వస్తే.. పరిస్థితి ఎలా ఉంటదో ప్రత్యేకంగా చెప్పనక్కర్లేదు. తాజాగా ఇలాంటి ఘటన ఒకటి కర్నాటకలో చోటు చేసుకుంది. అది కూడా రాత్రివేళ. దాని తాలూకు వీడియో ఇప్పుడు నెట్టింట వైరల్ అవుతోంది.

వివరాల్లోకి వెళ్తే... అమిత్ అనే ట్విటర్ యూజర్ (@Amitsen_TNIE) ఈ వీడియోను సోమవారం (17వ తేదీన) పోస్ట్ చేశారు. 45 నిమిషాల నిడివి గల ఈ వీడియోలో ఓ చిరుత రోడ్డుపక్కన తాపీగా మకాం వేయడం మనం చూడొచ్చు. ఆదివారం రాత్రి గడగ్ బింకాడకట్టి రోడ్డు.. నేషనల్ హైవే 67పై (National Highway) ఈ చిరుత కనిపించింది. అప్పటికి ఇంకా హైవేపై వాహనాల రాకపోకలు కొనసాగుతున్నాయి. అయినా చిరుత మాత్రం దర్జాగా రోడ్డుపై కూర్చొని ఉండడం మనం వీడియోలో గమనించవచ్చు.

Viral Video: రైల్లో ఓ వృద్ధ జంట ప్రయాణం.. భర్త చేసిన పనిని దూరం నుంచి సీక్రెట్‌గా వీడియో తీశాడో ప్రయాణీకుడు.. నెట్టింట పోస్ట్ చేస్తే..

అదే సమయంలో ఓ ద్విచక్రవాహనంపై వచ్చిన ఇద్దరు వ్యక్తులు చిరుతను అలా రోడ్డుపై చూసి, సడన్‌ బ్రేకులు వేసుకుని అక్కడి నుంచి వెనక్కి వెళ్లిపోయారు. అయితే, అది గాయపడి ఉండొచ్చని (లేదా) వాహనాల రాకపోకలకు భయపడి అలా ఒకేచోట కూర్చొని ఉండొచ్చని దాన్ని చూసిన వాహనదారులు అన్నమాట. చాలా సేపటి వరకు అది అలాగే రోడ్డుపైనే కూర్చొని ఉందట. ఆ తర్వాత తనంతట తాను వెళ్లిపోయిందట. ఇక నెట్టింట వైరల్‌గా మారిన ఈ వీడియోకు ఇప్పటివరకు 13వేలకు పైగా వ్యూస్ వచ్చాయి. నెటిజన్లు తమదైనశైలిలో స్పందిస్తున్నారు.

Money: జేబులో రూ.లక్ష పెట్టుకుని.. ఆటోలో ఇద్దరు మహిళల మధ్యలో కూర్చున్న వృద్ధుడికి ఊహించని షాక్.. అతడు అడిగిన ఒక్క ప్రశ్నతో..