WPL 2023: మరిజాన్ దెబ్బకు గుజరాత్ కకావికలు.. ఢిల్లీ ఎదుట స్వల్ప లక్ష్యం

నవీ ముంబై: ఢిల్లీ కేపిటల్స్(Delhi Capitals) అమ్మాయి మరిజాన్ కాప్(Marizanne Kapp ) చరిత్ర సృష్టించింది. గుజరాత్‌ జెయింట్స్‌(Gujarat Giants)తో జరుగుతున్న మ్యాచ్‌లో 5 వికెట్లు పడగొట్టి ప్రత్యర్థిని బెంబేలెత్తించింది. మరోవైపు, శివంగిలా విరుచుకుపడిన శిఖా పాండే(Shikha Pandey) దెబ్బకు గుజరాత్ కుదేలైంది. వారిద్దరి దెబ్బకు జెయింట్స్ బ్యాటింగ్ ఆర్డర్ పేకమేడలా కుప్పకూలింది. ఫలితంగా 20 ఓవర్లలో 105 పరుగులు మాత్రమే చేసింది.

33 పరుగులకే ఆరు వికెట్లు కోల్పోయిన దశలో కిమ్ గార్త్(Kim Garth) కాస్తంత పోరాట పటిమ కనిపించడంతో గుజరాత్ ఆ మాత్రం స్కోరైనా చేయగలిగింది. లేదంటే వంద పరుగుల లోపే ఆలౌట్ అయ్యేది. గార్త్ చేసిన 32 పరుగులే జట్టులో అత్యధికం. హర్లీన్ డియోల్ 20, వార్హమ్ 22 పరగులు చేశారు. ఢిల్లీ బౌలర్ మరిజాన్ నాలుగు వికెట్లు తీసుకోగా, శిఖా పాండేకు 3 వికెట్లు దక్కాయి.