సల్మాన్‌ఖాన్‌కు మళ్లీ బెదిరింపులు
ABN , Publish Date - Nov 06 , 2024 | 04:05 AM
బాలీవుడ్‌ ప్రముఖ నటుడు సల్మాన్‌ఖాన్‌కు తాజాగా మరో బెదిరింపు సందేశం వచ్చింది.
ముంబై, నవంబరు 5: బాలీవుడ్‌ ప్రముఖ నటుడు సల్మాన్‌ఖాన్‌కు తాజాగా మరో బెదిరింపు సందేశం వచ్చింది. సోమవారం అర్ధరాత్రి ముంబై వోర్లి ప్రాంతంలోని ట్రాఫిక్‌ కంట్రోల్‌ రూమ్‌కు ఈ సందేశం వచ్చినట్లు పోలీసులు వెల్లడించారు. జైల్లో ఉన్న గ్యాంగ్‌స్టర్‌ లారెన్స్‌ బిష్ణోయ్‌కి సోదరుడినంటూ అందులో పేర్కొన్న దుండగుడు... సల్మాన్‌ రూ. 5 కోట్లు ఇవ్వాల్సిందిగా డిమాండ్‌ చేసినట్లు చెప్పారు. కృష్టజింకను వేటాడినందుకు గాను తమ దేవాలయా(బిష్ణోయ్‌లా ఆరాధ్యదైవం)నికి వెళ్లి క్షమాపణలు చెప్పాలని లేదంటే రూ. 5 కోట్లు ఇవ్వాలని డిమాండ్‌ చేసినట్లు తెలిపారు. లేకపోతే సల్మాన్‌ను హతమారుస్తామని బెదిరించినట్లు పేర్కొన్నారు.
