TG Assembly: బీఆర్ఎస్ ఎమ్మెల్యేల అరెస్ట్.. అసెంబ్లీ దగ్గర తీవ్ర ఉద్రిక్తత

హైదరాబాద్‌: తెలంగాణ అసెంబ్లీ శీతకాల సమావేశాలు ఇవాళ( సోమవారం) ఉదయం 10.30 గంటల నుంచి జరగనున్నాయి. ఉదయం 10:30గంటలకు శాసనసభ, శాసన మండలి ఉభయ సభలు ప్రారంభం అవుతాయి. మొదటి రోజు తెలంగాణ తల్లి విగ్రహ ఆవిష్కరణపై అసెంబ్లీలో సీఎం రేవంత్ రెడ్డి ప్రకటన చేయనున్నారు. సభలో ఏడు చట్ట సవరణ బిల్లులను ప్రభుత్వంప్రవేశ పెట్టనుంది. అయితే అసెంబ్లీ సమావేశాలకు బీఆర్ఎస్ నేతలు వచ్చారు. అదానీ, రేవంత్‌ భాయ్‌ భాయ్‌ అంటూ..ముద్రించిన టీ షర్టులను గులాబీ పార్టీ ఎమ్మెల్యేలు ధరించి అసెంబ్లీ లోపలకు వెళ్తేందుకు ప్రయత్నించారు. దీంతో అసెంబ్లీ దగ్గర తీవ్ర ఉద్రికత్త చోటుచేసుకుంది. బీఆర్ఎస్ ఎమ్మెల్యేలకు పోలీసులకు మధ్య తీవ్ర వాగ్వాదం జరిగింది. అసెంబ్లీ దగ్గర బీఆర్ఎస్ వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావును(KTR) పోలీసులు అడ్డుకున్నారు. బీఆర్ఎస్ ఎమ్మెల్యేలు, ఎమ్మెల్సీలను పోలీసులు అరెస్ట్ చేశారు.

టీ షర్ట్స్‌ తీసివేసి లోపలకు రావాలంటూ బీఆర్ఎస్ ఎమ్మెల్యేలను పోలీసులు కోరారు. ఏఐసీసీ అగ్రనేత రాహుల్ గాంధీ పంపిన టీషర్ట్ అంటూ కేటీఆర్ సెటైర్లు గుప్పించారు.ప్రభుత్వానికి వ్యతిరేకంగా బీఆర్ఎస్ ఎమ్మెల్యేలు, ఎమ్మెల్సీలు నినాదాలు చేశారు. అంతకుముందు గన్‌పార్క్‌ దగ్గర బీఆర్ఎస్ ఎమ్మెల్యేలు కేటీఆర్‌, హరీష్‌రావు నివాళులు అర్పించారు. అమరవీరుల స్థూపం దగ్గర ఎమ్మెల్సీ కవిత నివాళులు అర్పించారు. ఆమె వెంట ఎమ్మెల్యేలు, ఎమ్మెల్సీలు వచ్చారు. తెలంగాణ అస్తిత్వాన్ని కాపాడాలంటూ బీఆర్ఎస్ ఎమ్మెల్యేలు, ఎమ్మెల్సీలు నినాదాలు చేశారు. మరోవైపు అసెంబ్లీ కమిటీ హాల్1లో సీఎల్పీ సమావేశం జరిగింది. రేవంత్ అధ్యక్షతన సమావేశం కొనసాగుతోంది.అసెంబ్లీలో కాంగ్రెస్ అనుసరించాల్సిన వ్యూహంపై కాంగ్రెస్ ఎమ్మెల్యేలు, ఎమ్మెల్సీలకు తెలంగాణ ముఖ్యమంత్రి రేవంత్‌రెడ్డి దిశానిర్దేశం చేశారు.

ఈ వార్తలు కూడా చదవండి..

పారిపోయిన టెన్తు విద్యార్థుల కథ సుఖాంతం

దందాల ద్వారంపూడి

తెలంగాణ తల్లి పండుగ

Read Latest AP News and Telugu News

Read Latest Telangana News and National News

Read Latest Chitrajyothy News and Sports News