Abdul Nazir: హస్తినకు చేరిన ఏపీ గవర్నర్.. కాసేపట్లో రాష్ట్రపతితో భేటీ

ఢిల్లీ: ఏపీ (AP) గవర్నర్ అబ్దుల్ నజీర్‌ (Abdul Nazir) హస్తినకు చేరుకున్నారు. రెండ్రోజుల పర్యటన నిమిత్తం గవర్నర్ ఢిల్లీ (Delhi) కి వెళ్లారు. ఎయిర్‌పోర్టులో అబ్దుల్ నజీర్‌‌కు ముఖ్య సలహాదారు ఆదిత్యనాథ్ దాస్, ఏపీ భవన్ అదనపు కమిషనర్ హిమాన్షు కౌశిక్ స్వాగతం పలికారు. పర్యటనలో భాగంగా ఈ మధ్యాహ్నం 3.30కి రాష్ట్రపతి ద్రౌపది ముర్ముతో గవర్నర్ భేటీ కానున్నారు. అనంతరం ఉప రాష్టప్రతి జగదీప్ ధనకర్‌తో కూడా భేటీ కానున్నారు. అలాగే రేపు ప్రధానమంత్రి నరేంద్ర మోడీ (MODI), కేంద్ర హోంమంత్రి అమిత్ షా (Amit Shah)తో సమావేశం కానున్నారు. ఆంధ్రప్రదేశ్ నూతన గవర్నర్‌గా శుక్రవారమే అబ్దుల్ నజీర్ ప్రమాణస్వీకారం చేశారు. అయితే గవర్నర్‌గా ప్రమాణస్వీకారం చేసిన తర్వాత మర్యాదపూర్వకంగా ఢిల్లీ పెద్దలను కలిసేందుకు గవర్నర్ హస్తినకు వెళ్లారు.

శుక్రవారం విజయవాడ రాజ్‌భవన్‌లో నూతన గవర్నర్‌గా అబ్దుల్ నజీర్ ప్రమాణస్వీకారం చేశారు. ఈ కార్యక్రమానికి సీఎం జగన్, మంత్రులు, ప్రజాప్రతినిధులు, ప్రతిపక్ష నేత చంద్రబాబు పాల్గొన్నారు.

ఇది కూడా చదవండి: ఓటమి భారం.. దానికి తోడు పక్కనున్నవాళ్లు నవ్వారని అవమాన భారం.. భరించలేక అతడు ఎంతకు తెగించాడంటే..