MS Dhoni: సముద్రంలో ధోని.. ఒడ్డున గమనిస్తున్నది ఎవరో తెలుసా..

టీమిండియా దిగ్గజం మహేంద్ర సింగ్ ధోనీకి సంబంధించిన ఏ అప్‌డేట్ వచ్చినా క్షణాల్లో వైరల్ అయిపోతుంది. అది మాహీకి ఉన్న క్రేజ్, ఫాలోయింగ్. ప్రొఫెషనల్ క్రికెట్‌కు గుడ్‌బై చెప్పేసినా అతడి పాపులారిటీ ఏమాత్రం తగ్గడం లేదు. అతడి జీవితంలోని విశేషాలను తెలుసుకునేందుకు అభిమానులతో పాటు క్రికెట్ లవర్స్ తెగ ఆసక్తి చూపిస్తుంటారు. అయితే ఇండియన్ ప్రీమియర్ లీగ్ జరిగే సమయంలో తప్పితే ధోని పెద్దగా బయటకు రావడం లేదు. యాడ్స్, బిజినెస్ వ్యవహారాలు చూసుకోవడంతో పాటు సొంతూరు జార్ఖండ్‌లోని ఫామ్‌హౌస్‌లో వ్యవసాయంతో బిజీగా ఉంటున్నాడు. అలాంటి ధోని హఠాత్తుగా బీచ్‌ దగ్గర వాలిపోయాడు.

ఫ్యామిలీతో కలసి..

క్రికెట్, బిజినెస్, వ్యవసాయం, యాడ్ షూటింగ్, సేవా కార్యక్రమాలతో బిజీగా ఉండే ధోని తీరిక దొరికినప్పుడు కుటుంబంతో కలసి వెకేషన్‌కు వెళ్తుంటాడు. భార్య సాక్షి, కూతురు జీవాతో కలసి అప్పుడప్పుడూ ఫారెన్ ట్రిప్స్ వేస్తుంటాడు. ఈ క్రమంలోనే ఇటీవల థాయ్‌లాండ్‌కు వెళ్లిన మాహీ.. అక్కడి సముద్రంలో సందడి చేశాడు. థాయ్ అందాలను వీక్షిస్తూ ఎంజాయ్ చేసిన ధోని.. బీచ్ ఒడ్డున కూడా చాలా సమయం గడిపాడు. ఇందులో భాగంగానే సముద్రపు ఒడ్డున జీవాతో కలసి పలు ఫొటోలు దిగాడు. వీటిని సోషల్ మీడియాలో షేర్ చేశాడు.

అదే గ్లామర్

బ్లాక్ కలర్ బనియన్ వేసుకున్న ధోని.. కళ్లకు స్టైలిష్ అద్దాలు పెట్టుకొని వింటేజ్ లుక్‌లో దర్శనమిచ్చాడు. కండలు తిరిగిన దేహంతో వావ్ అనిపించాడు. ధోని సముద్రంలో సేదదీరుతుండగా.. బీచ్ ఒడ్డున నిలబడ్డ జీవా తండ్రిని తీక్షణంగా గమనిస్తూ కనిపించింది. ఈ ఫొటోలు ఇప్పుడు నెట్టింట హల్‌చల్ చేస్తున్నాయి. మాహీని చూసిన నెటిజన్స్.. హీరోలను మించే గ్లామర్ ధోనీది అని, పిక్స్ అదిరిపోయాయని కామెంట్స్ చేస్తున్నారు. ఇక, కెరీర్ విషయానికొస్తే.. మరో ఐపీఎల్ సీజన్ ఆడేందుకు ఈ దిగ్గజ ఆటగాడు రెడీ అవుతున్నాడు. ఇటీవల జరిగిన రిటెన్షన్‌లో అన్‌క్యాప్డ్ ప్లేయర్ కింద రూ.4 కోట్ల ధర చెల్లించి ధోనీని అట్టిపెట్టుకుంది చెన్నై సూపర్ కింగ్స్.

Also Read:

సౌతాఫ్రికాతో సెకండ్ టీ20.. ఒక్క మార్పుతో బరిలోకి భారత్

సూర్య చెప్పిన ఒక్క మాటతో అంతా మారిపోయింది

సంజూ సక్సెస్ వెనుక సూపర్ పవర్.. చెప్పి మరీ కొట్టించాడు

For More Sports And Telugu News